
12:00etan zen udal osaketa, eta askoz arinagotik bete-beteta zegoen udalbatzar aretoa. Rikardo Beitia Bilduko zinegotziak irakurri du zinegotzien zerrenda, eta ostean, bozkatu egin dute. Alde batean, eta baten faltan, Bilduko zortzi hautetsi zeuden, eta bestean, EAJko laurak. Alderdi bakoitak bere alkategaiari emon dio babesa, eta hartara, Argia Ituarte izendatu dute Ondarroako alkate. Lehenengo emakumezko alkatea izango dute ondarrutarrek. Txalo zaparradapean, eskerrak emon nahi izan ditu alkateak. “Guretzako ohorea da gure herriko zinegotzi izatea. Niretzako ohorea da Ondarroako alkatea izatea. Zeuona danona da hau alkatetza”, esan du, herritarren parte-hartzearen garrantzia nabarmenduaz. Ondarroako herriak aldaketa politikoa eta soziala nahi dituela “ozen” esan duela adierazi du Ituartek, eta gehitu du herritarrek hautes mahaietan emondako babesari erantzuna emoteko lan egingo dutela. Azkan zortzi urteetan ezker abertzaleak Ondarroako Udalean jasadako egoera gogora ekarriaz, “inor baztertuko ez duen udal aurrerakoi eta parte-hartzailea eratzea helburu” dutela berretsi du, eta horren harira, EAJri zuzenduta esan du jeltzaleek egiten dituzten ekarpenak garrantzitsuak direla, eta pozik jasoko dituztela. “Ondarrutarrok batzen gaituena banatzen gaituena baino asko gehiago da, beraz, bakoitzaren programetatik abiatuta, adostasuna lortzeko gai izan behar gara”. Frontoia be, gainezka Ikurrin artean atera dira udaletxetik Bilduko alkatea eta zinegotziak. Frontoian, barriro, eskerrak emon nahi izan die Ituartek hauteskunde aurretik eta [...]

Egin Dezagun Bidea ekimenak deituta, domekan, 12:30ean, manifestazio nazionala egingo da Bilbon, Eskubide guztiekin, Euskal presoak Euskal Herrira lelopean. Gero, egun osoko ekitaldia izango da Areatzan. Lekeition eta Mutrikun autobusak egongo dira. Iz...

Umeen Euskal Jaia izango da domekan, Mutrikuko Gure Ametsa, Ondarroako Kresala, Zarautzko Iratzarri eta Urnietako Aurrera Gure Ametsa eta Egape taldeekin. 145 dantzari izango dira. 11:45ean aterako dira, kalerik kale. 13:30ean eta 17:00etan Goiko Plaza...

Markinako Esku Pilota Txapelketako finalak jokatuko dituzte domekan. Apirilean hasita jokatzen dabilen lehiaketan 34 bikotek parte hartu dute eta, dagoeneko, finalistak erabakita daude. Partidak 10:00etan hasiko dira. Aurten eskupilotan hasitakoek be parte hartu dute txapelketan. Sei eta zazpi urtetako umeen sei bikote ibili dira jokoan. Markinarrez gainera, Berriatuako eta Ondarroako pilotariak be egon dira. Maila horretako finala Ibarloza II.a eta Etxebarrietaren eta Lourido eta Ituarteren artekoa izango da. Benjamin mailan, hiru bikoteko bi talde egon dira, eta, azkenean, Etxebarria eta Angoitia eta Aierdi eta Amoros egongo dira finalean. Alebinek maila polita erakutsi dute txapelketan. Talde bitan banatuta ibili dira pilotariak eta bakoitzean hiru bikote aritu dira. Dotore ibili dira guztiak, baina Ansola II.ak eta Ibarloza I.ak osatutako bikoteak eta Larruskainek eta Lizardik egin dute aurrera. Emaitza estuak Bost bikoteren arteko lehia egon da txikien mailan. Zuzenean lehenengoa finalera pasatzen zen eta borroka horretako irabazle izan dira De Paz eta Mandiola. Lau partida jokatu dituzte, eta laurak irabazi. Finalaurrekoetan erabaki da, barriz, bigarren bikote finalista. Arratek eta Onagoitiak 18 eta 17 irabazi zieten Etxebarriari eta Erkiziari, eta tantu bakar horregatik finalean egongo dira. Partida estuak jokatu dira baita kadeteen mailan be. Finalaurreko bietan 22 eta 21eko emaitza egon zen. Beraz, guztiek [...]

Oletako Pazko jaiek azken urteetan aurrez edukitako arrakasta izaten ari dira jaiak batzordetik egindako ahaleginari esker. Egitarau betea dakarte zapatutik astelehenera.

Hamabost eguneko epean herritarrek errolda aztertu eta erreklamazioak egin ditzakete

Zapatuan egingo dira Berriatuan idi probak; Untza gehien egiten duenak 1.100 euroko saria eskuratuko du; Busturialdeko ordezkari batek parte hartuko du, Lea-Artibaikorik ez dago

Urteko azken emanaldia eskainiko dute musika eskolako gazteek zapatuan, udaletxe aurrean

Behar teknikoak egiteko eskualdetik urteteari uko eginez, zenbait herritar Mondragon taldearen laguntzagaz, kautxoa lantzen hasi zen duela lau hamarkada; Cikautxok gaur egun behar berean jarraitzen du, dimentsioa asko aldatu da baina

Aurten Ziortzako kontzertuen kopurua laura jeitsi den arren, kalitateak ez du beherakadarik egin. Lehen asteburuan emanaldiak maila oso altua izan ostean, asteburu honetan be ez da inor gogoekin gelditu. Maila handiko musikariak zeuden iragarrita, eta ...

Mutrikuko Bertso Eskolak hainbat gaztetxerekin elkarlanean antolatzen duen Plazatik Gaztetxera bertso txapelketako lehenengo kanporaketa izango da barikuan, Akerbeltz gaztetxean. Txapelketaren 10. urteurrena dela eta, aurreko urteetako saioen kopurua lautik seira gehitu dute; halan, lau gaztetxetan barik seitan egingo dituzte saioak, tartean, Markina-Xemeinen. Markina-Xemeingo, Debako, Elgoibarko, Soraluzeko, Zumaiako, Mendaroko eta Mutrikuko taula gainera igoko dira aurten Plazatik Gaztetxera txapelketan parte hartuko duten 36 bertsolariak. Saio bakoitzean seik egingo dute bertsotan. Markina-Xemeingo saioan, Eneko Arrate eta Nerea Ibarzabal markinarrek, Peio Ormazabal arrigorriagarrak, Abadiñoko Eñaut Uruburuk, Iruñeko Saioa Alkaizak eta Ermuko Julen Sololuzek parte hartuko dute. Parte-hartzaileetako bat, Nerea Ibarzabal markinarra, txapeldun geratu da joan den barikuan jokatu zen Bizkaiko Eskolarteko Bertsolari Txapelketan, gazte mailan. Bertso saioa 23:00etan hasiko da, baina, aurretik, afaria antolatu du Markinako Gazte Asanbladak. Afaria 21:00etan emongo dute eta txartelak Gaztetxean eta Erlatx eta Sakris tabernetan erosi ahal dira, 8 eurotan. Saioa Zortziko handian eta zortziko txikian bertso bana, koplak, bakarka gai bateri erantzunez eta buruz burukoan hamarreko txikia izango dira bertsolariek saio bakoitzean egin beharko duten lana. Saio bakoitzeko irabazlea finalera pasatuko da zuzenean; baita, saio guztiak kontuan hartuta, puntuazio altuena lortzen duten bertsolari bi be. Bestalde, urtero legez, publikoak edukiko du zeresana. Bertso saio bakoitzean, epaileek erabakiko [...]

Marierrota martxan jarri dute; ondare historiko-kulturala zein naturala berreskuratu nahi izan dituzte mareen bidez beharra egiten duen errotagaz

Heldu da eguna. Datorren asteartean zozketatuko dituzte alokairu sozialean emango diren etxebizitzak. Miruaitz frontoian egin du Etxebidek hitzordua, 12:00etan. 104 lagunek eman dute izena alokairuko aukera izateko: 45 mutrikuarrak izan dira, eta gaine...

Bretainiako hegoaldeko Mor Bihan-eko golkoan, La Semaine du Golfe de Mor Bihan izeneko itsasontzi tradizionalen topaketa handia ospatzen dabiltza. Bi urtero ospatzen da Bretainian ontzi tradizionalen topaketa eta bertan parte hartzen dabiltza Euskal Bateleroak: Tramana (Galdakao), Panntxike (Lekeitio), Txatua (Lekeitio) eta Ondarrutik Trabola. Domekara arte iraungo du topaketak, eta bertan, beste partaide batzuekin egoteko aukera izango dute. Aurtengoa ez da Bateleroak joaten diren lehenengo aldia, baina oraingoa berezia izango da, Euskal Herria da eta aurten, Europako ontzi tradizionalen itsas jaialdi garrantzitsueneko, ohorezko gonbidatua. Euskal Bateleroek lau ontzi eroan dituzte topaketetara eta ez daude bakarrik, eurekin batera Euskal Herriko beste elkarte batzuk be joan dira Bretainiara: Lapurditik, Branka, Hendaika, eta Ur Joko elkarteak; eta Bizkaitik Algortako Itsas Egurra Haizean. Euskal espedizioa koordinatzen, Albaola elkartea ariko da. Guztira 180 bat marinel eta 23 euskal itsasontzi daude Bretainiako uretan ¬Euskal Bateleroenak lau dira¬ eta aspaldi ez omen da tamaina hortako eskifairik joan Euskal Herritik. Euskal kultura Euskal itsasontziez gain, euskal kulturak be edukiko du bere lekua Mor Bihan-en. Vannes-eko portuko eremuan 500 lagunentzako euskal jangela egongo da, Udal eta erakundee batzuk postuak jarriko dituzte eta bi erakusketa be egongo dira: Euskal Herriko batela eta Euskal Herriko arrantzaleak Ipar Ameriketan. Zanpantzarrak, musika taldeak, dantzariak [...]

Ekozainek antolatuta Ekobidaia egongo da domekan Donibane Lohitzunera eta Hendaiara. Donibane Lohitzunen, Paul Jovet lorategi botanikoa bisitatuko da eta bazkaldu ostean, Hendaiako Antoine d’Abbadie gaztelua ikusiko dute. Bidaiaren kostua 40 eurokoa ...