Asegarcegaz bi denboralditarako sinatu ondoren, profesionaletarako jauzia emongo du datorren domekan Andoni Aretxabaletak (Markina-Xemein, 1993). Karmen jaien barruan eta bere herrian debutatuko du. Noiz hasi zinen pelotan jokatzen? Zortzi bat urtegaz. Betidanik eduki dut zaletasuna, txikitatik. Markinako Esku Pilota Taldean jokatu duzu. Zelako urteak izan dira? Hamar urte egin ditut Markinako Esku Pilota Taldean. Urte onak izan dira eta gustura ibili naiz. Serafin Ibarra eta Unai Iglesias izan ditut pelotako irakasle. Iglesiasek gogor egiten zidan, baina gustura joaten nintzen entrenamenduetara. Bidea be zabaldu egin zidan, herritik kanpoko jaialdi eta txapelketetan jolasteko. Pelota eskolak jakin egin behar du pelotaria zelan bideratu; meritua eurena izaten da. Azken urteetan txapelketa garrantzitsuak jokatu dituzu: Diario Vascok antolatzen duena, Biharko Izarrak edo Herriarteko Txapelketa. Herriarteko Txapelketa Markinako Esku Pilota Talde moduan jokatu dut. Aurten ezin izan dut amaitu, beste final bat izan dudalako, baina iaz Bizkaikoa eta Euskadikoa irabazi genituen. Diario Vascok antolatutakoa, ostera, 2009an jokatu nuen . Herri bakoitzean nabarmentzen diren pelotariak aukeratzen dituzte jokatzeko, eta hamasei bikote osotzen dituzte guztira. Irabazi egin genuen eta bera da ziurrenik irabazi dudan txapelketarik garrantzitsuena. Garaipen horren ondorioz, Asegarcegaz entrenatzeko aukera emon zidaten, eta Aniceto Lascano tolosarragaz ibili naiz ikasten azken bi urteetan. Tolosara joaten zara, orduan, [...]
'Heriotzagaz jolasean' fil laburrerako egindako musikagatik izendatua izan da Jerry Goldsmith sariketarako berriatuarra
Ibarra Futbol Zelaiaren ondoko edukiontziak erre egin dituzte; zehazki, ateetako baten atzeko aldean dagoen aparkalekukoak dira erretako ontziak. Dirudienez, gertaera bariku gauean izan zen. Edukiontziak guztiz erre ziren, eta lekuan hondakin multzo ba...
Jabier Goitia Kabi ETAko militantea hil zeneko 20 urte betetzen direla eta, hainbat ekitaldi egingo dira aurten Lekeition. Lehenengoa, barikuan egongo den Herrialde Berdea dokumentalaren emanaldia izango da. Herrialde Berdea, Hibai Castrok, Gorka Calzadak, Iker Aroztegik eta Nagore Mujikak auzolanean eta denbora librean egindako proiektu herrikoia da. 1972an Guardia Zibilak hildako Jonan Aranguren Iharraren eta 1991n lehergailu batek eztanda eginda hildako Jabi Goitia Kabiren ibilbideak ditu ardatz. Bi belaunaldi desberdin dira, baina istorio bakarra izango balitz legez kontatuta dago, eta Euskal Herriko historiaren garai ezberdinak ezagutzeko aukera ematen du. Proiektuaren abiapuntua Nagore Mujika da. Iharra Mujikaren lehengusua zen eta Kabi bere mutil-laguna, beraz, Nagore Mujika bien arteko lotura izango da eta beraren bidez bi pertsona horiek ezagutzera emongo dira. Elkarrizketetan oinarritua Iharraren eta Kabiren inguruko dozena bat pertsonari egindako elkarrizketetan oinarrituta dago dokumentala. Horrela, ingurukoen bidez, Iharraren eta Kabiren bizipenak ezagutu ahalko dira. Kabiren arrebek dena ematen zuen horietakoa zela eta desberdina zenarekiko begirunea zuela azpimarratzen dute; haregaz Bilbon unibertsitatean aritutako lehengusinak, hainbat gairen inguruan (intsumisioa, okupazioa, zentral nuklearrak) iritzi propioa izanagatik eztabaidak izan zituela ekartzen du gogora. Matxintxuko euskaltegiko zuzendariak, barriz, Lekeition jaiotako irakasleak euskararekiko jarrera argia zuela esaten du. Bestalde, 70eko hamarkadan argitaratutako Herrialde Berdea ipuinaren egilea Iharra [...]
Ikuskizuna eta parte-hartzea. Biak batu zituen joan den zapatuan ospatu zen Atletismo Egunak. Herri krosa esprintean erabaki zen, eta inoiz baino parte-hartzaile gehiago eduki zuen probak. Batez be, asko izan dira, aurten, lasterketa egin duten markinarrak. Kamali Majdohbik izan zen herri kroseko irabazlea, ikaragarrizko esprintaren ondoren. Helmugako zuzenera batera ailegatu ziren Majdohbi, irabazlea, eta Abdelhak Sabhi, bigarren sailkatua, eta norgehiagoka itzela eduki zuten helmugako arkuraino. 20 minutu eta 32 segundo behar izan zituen irabazleak kroseko zazpi kilometroak egiteko. Hirugarrena Hicham Ovalla izan zen; 21 minutu eta 18 segundo eginda. Neskei dagokienez, Samira Ahbouche izan da aurtengo irabazlea. Ahbouchek 23 minutu eta 17 segundoko denbora bikaina egin zuen, helmugara hamargarren ailegatuz. Beteranoetan, barriz, David Markaida eta Inma Ruiz izan ziren lehenengoak. Irabazleez gainera, herritarrek be Zelaiaren bueltan batutako ikusle piloaren txalo zaparradak jaso zituzten. Herritarren artean, helmugara ailegatzen lehenengoak Joseba Plaza eta Rakel Goiogana izan ziren. Plaza, gainera, bosgarrena izan zen sailkapen orokorrean. Parte-hartzea 113 aringa-aringalarik parte hartu dute aurten herri krosean. Inoiz baino gehiago, eta antolatzaileentzat, batez be, lorpen handia izan da herrikoak gero eta gehiago izatea. Nagusiez gainera, herri krosaren aurretik Zelaian egin ziren ume eta gazteen atletismo probek be erantzun handia eduki zuten. Markina-Xemeingoez gainera, Lekeitio eta Ermuko [...]
Kontsumoa gutxitzeko asmoz, uztailaren 15ean, zelaian bertan, drogen azterketa egin ahal izango dute herritarrek
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
