Kresalak ordenagailuan partiturak egiteko ikastaroa eskainiko du
Urritik ekainera arteko ikastaroak eta ikastaro trinkoak dakartza eskaintzan Kresala Kultur Elkarteak 2011-2012 ikasturtera begira. Musika alorrean, haurrentzako musika tailerra, solfaketa, pianoa, txistua, trikitixa, panderoa eta bandarako musika tres...
Urritik ekainera arteko ikastaroak eta ikastaro trinkoak dakartza eskaintzan Kresala Kultur Elkarteak 2011-2012 ikasturtera begira.
Musika alorrean, haurrentzako musika tailerra, solfaketa, pianoa, txistua, trikitixa, panderoa eta bandarako musika tresnen ikastaroak emongo dira. Dantzari dagokionez, haur eta gazteen dantza taldeak egongo dira batetik, eta «tenkada handia» daukaten nagusientzako herri dantzak beste aldetik. Astelehenetan eta eguaztenetan izango dira dantzako entseguak, 18:00etatik 19:30ak ingurura umeenak eta 20:00etatik 21:30era nagusienak.
Iaz hasitako bideari segituta, dantza sormena ikastaroa zuzenduko du Oier Lertxundi dantzariak. Pilates be emongo du berak. Saioak martitzenetan eta eguenetan izango dira. Taldeak osatutakoan zehaztuko dira ordutegiak.
Iñaki Retegi irakasle
Estreinako, jendearen eskariari erantzutea helburu, ordenagailuan partiturak egiteko ikastaro trinkoa emongo da, hasiera batean abenduan. 20 orduko ikastaroa izango da, Iñaki Retegi donostiarrak emongo du.
Barikura arte, egunero emon ahal izango da izena nahi den ikastaroan, 18:00etatik 19:00etara, Artabide 23ra joanda edo 94-613 41 14ra telefono deituta.
