Teresa Donearen jaiak ospatuko dira asteburuan Atxondoa auzoan. Musikak eta jolasak alaituko dute Bikale aurrea. Aurten be, hamazazpigarren urtez, margo lehiaketa egingo da zapatu goizean 4tik 14 urtera arteko umeentzat. 10:00etatik 13:00etara kontrol ...
Aurrera begirako ildo politikoa aztertu eta hauteskundeei begirako herri batzarra ditu dute biharko. Batzarra 16:00etan hasiko da, Uhagon kulturgunean.
Jose Luis Echechipia organu-joleak kontzertua emango du bihar, zapatua, Santa Maria basilikan, 20:00etan. Kontzertua Bizkaiko Hotsak Bizkaiko organu jaialdiaren baitako lehenengoa izango da. Diego de Amezua elkarteak seigarren urtez antolatutako Bizkai...
Espainiako Auzitegi Nazionalak Ibon Iparragirreren askatasuna agindu du, kautelazko neurripean, ondarrutarrak daukan lau auzietako batean, ”bere osasun egoera larria dela eta”. Erabaki horrek epe motzean Iparragirre kartzelatik irtetea ahalbidetuko du, Espetxetako iturriek adierazi dutenez. Hori jasotzen du gaur bertan Zigor Epaitegiko Lehen Sailak jakitera emon duen autoak. Iparragirre hilean bi bidar joan beharko da bere etxebizitzatik hurreen daukan epaitegira, hilaren 1ean eta 15ean, beti be bere epaitzeko dauden auzietan “libre” lagatzen badute. Javier Gomez Bermudez, Manuela Fernandez de Prado eta Ramon Saez epaileek hartu dute erabakia, auziperatuaren “osasun egoera larria, askatasun barik daroan denbora eta prozeduraren egoera” kontuan hartuta, instrukzio aldiaren azkanean berau. Etxean beteko du zigorra Epaitzeko dagoen kausa batean emon diote Iparragirreri behin-behineko askatasuna. Eta orain aske gera daiteke, Basauriko espetxeak zigorra etxean bete dezala proposatzen badu. Basauriko espetxeko Tratamendu Batzordeak 100.2 artikuluaren ezarpena eskatuko duela diote Espetxetako iturriek. Eskaria eginez gero, etxean bete ahalko du, hortaz, zigorra ondarrutarrak, kontrol telematikoagaz. ”Ordua da Basauriko espetxeak eskaria egiteko. Ea bihar egiten duen”, esan du Alfontso Zenon abokatuak. Gernikako Akordioko sinatzaileak, tartean, EA, Aralar, Alternatiba, LAB sindikatua, Amnistiaren Aldeko Mugimenduak azkan asteetan Ibon Iparragirreren askatasuna eskatu dute. EAJk be eskari bera egin du gaur bertan. Basurtuko ospitalearen aurrean Tasio Erkizia ezker abertzaleko kideak, Lorea Bilbao abokatuak eta Bilboko Bilduren zinegotzi Ana Etxartek Iparragirreren “berehalako [...]
Banakako 30 minutuko bi bisita baino ezingo ditu eduki Basurtuko ospitalean Ibon Iparragirre preso politiko ondarrutarrak. Bisitak 16:30etik 18:30era bitartean egin beharko dituzte, beti be zuzeneko senideek. Gaur arratsaldean dira bisitan joatekoak. Bisitak banan-banan egiteko aginduaren aurrean, Iparragirreren emazteak ez daki presoaren seme-alabak nagusi bategaz sartzerik edukiko duten. “Berak Ibonek dioenaren arabera antolatuko ditugu bisita orduak”. Agindu bat tarteko, senideek ezingo dute Iparragirre ikutu. Alfontso Zenon abokatuari jakin eragin zieten atzo ertzainek bere bezeroak bisita batzuk onartuta zeuzkala. Herenegun gertatu legez, hogei minutuan laga zioten Iparragirregaz egoten, eta ertzainen jarrera hobea izan zen. “Aparteko gela batetik egon dira dana ikusten, kamara bidez, baina ahotsik barik”, azaldu du Zenonek. Herenegun baino hobeto topa zuen Iparragirre: “Emoten du sukarra kendu zaiola. Mina zeukan hegal batean, baina Ibonek esan zidan joaten ari dela emoten duela”. Fisikoki ez bakarrik, psikologikoki be ahul ikusi zuen ondarrutarra. “Nazkatuta, aspertuta dago gelan ezer ez duela. Txarto-txarto dago, kartzelan baino asko okerrago”. Pastilla eta baliumekin joan zitzaizkion herenegun erizainak Iparragirreri, eta hark esan zien ia baliumak zertarako eroezan, lotarako baino ez zizkiotela emoten eta. “23:00ak dira”, erantzun zioten erizainek. “Pentsa zelan dagoen, ez zela konturatu gaueko orduak zirenik”, gehitu du abokatuak. Iparragirrek leihoa dauka Jado pabilioko gelan. [...]
1973an Bilboko ospitale batean lapurtutako ume jaiobarrien kasua argitu nahian dabiltza Markina-Xemeingo familia bi. Telebistan ikusitako erreportaje baten ondorioz konturatu ziren euren umeak be lapurtuak izan zitezkeela. Umea hilda zegoela pentsatu dute beti. Halan esan zieten eta halan sinistu zuten. Baina, urtarrilean, frankismotik 1990eko hamarraldira ustez lapurtutako ume jaioberrien kasuak kaleratzen hasi ziren, eta kasuekin antzekotasuna nabaritu, eta ikertzen hasi ziren familiak. Hilerrira joan ziren lehenengo, dokumentuak lortu nahian. Erregistrora jo zuten gero, eta ospitalera azkenik. Kasu batean, hilerriko dokumentuak umea Bilboko ospitale batetik zetorrela zioen, baina, arraroa zen hori, umea ospitale horretan ez baitzen egon. Erregistroan be ospitale bera jasotzen zen eta, beraz, bertara joan ziren informazio bila. Dokumentuetan agertzen zen ospitalera joan zirenean, amaren sartzea ageri zen, baina ez umearena, eta horrela erakutsi zieten ordenagailuan. Agiririk eman nahi ez zietela eta, hurrengo egunean bueltatu ziren bertara abokatuaren idatziagaz, eta, orduan, amaren sartzerik ez, baina umearena zegoela esan zieten. Ginecoyatreon Lapurtutako umearen kasua argitu nahian dabiltzan Markina-Xemeingo familia bateko umea gaur egun itxita dagoen Ginecoyatreo ospitalean jaio zen. Amagaz egon zen bost orduz, baina, zaratatxo bat egin zuela eta, eta bertan inkubagailurik ez zegoenez, bihotzeko arazoak zituztenen eraikinera eroan zuten umea, aitak eta erizainak, taxi batean. Umea inkubagailuan sartu, [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
