‘Euskal preso eta iheslariak etxera!’ mezua zabaltzeko argazki lehiaketa antolatu dute
Lekittoko Amnistiaren Aldeko Mugimenduak argazki lehiaketa antolatu du Euskal preso eta iheslariak etxera! gaia hartuta. Mezu hori zabalduko duen argazkia azaroaren 24a orduko aurkeztu beharko da Galarrenan. Taldean zein banaka aurkez daitezke argazkia...
Lekittoko Amnistiaren Aldeko Mugimenduak argazki lehiaketa antolatu du Euskal preso eta iheslariak etxera! gaia hartuta. Mezu hori zabalduko duen argazkia azaroaren 24a orduko aurkeztu beharko da Galarrenan.
Taldean zein banaka aurkez daitezke argazkiak. CD batean utzi beharko dira, eta gehienez, koadrilako edo pertsonako hiru argazki onartuko dituzte. Bakoitzak ahal danik eta bereizmen handiena edukitzea be eskatu dute antolatzaileek.
Eraketari dagokionez, ez dute mugarik ipini. Argazkiak ukituta egon daitezke, eta muntaiak be balio dutela jakitera emon dute, baina, beti be, argazkia bera izan behar da oinarria.
Baloratuko direnak
Argazkiak aukeratzerako orduan, bestalde, muntaien konplexutasuna, originaltasuna eta konposizioa izango dituzte kontuan, eta argazki horretan jendeak duen parte hartzea be baloratuko dute.
Horretaz gainera, Internetetik hartutako argazkiek ez dutela balioko azpimarratu dute antolatzaileek. «Argazkia norberak ataratakoa izan behar da», zehaztu dute.
Azkenik, lehiaketan parte hartzen duten argazki guztien egile eskubideak antolatzaileen esku geratuko direla jakitera emon dute. «Egutegia eta erakusketa egiteko», argitu dute.
