Euskal presoen inguruko mozioa onartu du Lekeitioko Udalak
Euskal preso politikoen egoerari buruzko mozioa onartu zuen Lekeitioko Udalak azken osoko bilkuran. Ibon Iparragirre preso politiko ondarrutarrak azken hilabeteetan pairatu behar izan duen egoeraren harira aurkeztu zuen mozioa Bilduk. Garai barriak biz...
Euskal preso politikoen egoerari buruzko mozioa onartu zuen Lekeitioko Udalak azken osoko bilkuran. Ibon Iparragirre preso politiko ondarrutarrak azken hilabeteetan pairatu behar izan duen egoeraren harira aurkeztu zuen mozioa Bilduk.
Garai barriak bizi direla diote Bildukoek eta horrek jarrera barriak eskatzen dituela eragile guztien aldetik. «Euskal Herriak historikoki estatu espainiar eta frantziarragaz duen gatazka politiko eta armatua gainditze bidean egon daitekeen honetan, euskal preso politikoen egoerak aldatu beharra dauka; konponbide demokratikoa ekarriko duen eszenatokia eraikitzera bidean, ezinbesteko bultzada emongo diolako bizi dugun egoera barri honi», adierazi dute.
Hori dela eta, mozioaren bidez, espainiar gobernua eta bere espetxe politika salatu dute Ibon Iparragirreren kasuan mantendu duten mendekuzko jarrera dela eta. Gainera, sendaezinak diren edo gaixotasun larriak dituzten euskal preso politikoen berehalako askatasuna eta euskal preso eta iheslari politiko guztien etxeratzea eskatu dute.
