Bihar hasita, datorren asteko eguenera bitarteko ekimenak prestatu ditu Amaiurrek azaroaren 20ko Espainiako hauteskundeetara begira. Bihar, 17:00etan, Berriatuko gaztetxean hasita, kartelak ipiniko dituzte herritarrek. 19:00etan egin du koalizioak hitz...
Bihar da Beldurrik Barik Lehiaketan beharrak aurkezteko azkanengo eguna. Udal Berdintasun Sailak gogoratu duenez, 1. kategorian –12 eta 17 urte bitartekoak– talde lana hobetsiko du epaimahaiak. Hurrengo helbidean eskura daiteke informazio gehiago: ...
Sasoiko produktuak %15eko deskontuagaz eskuratzeko aukera eskainiko dute zapatuan, 10:00etatik 14:00etara eta 18:00etatik 20:00etara Zatozteko 22 establezimenduk, egun bakarreko ekimenean. Ume eta nagusientzako kaleko zein kiroleko arropa, oinetakoak, ...
Azkan egunetako eguraldi txarragaz hegaluzea desagertu eta sardina agertu da, asko agertu be: 330.000 kilo lehorreratu dituzte gaur goizean, eta 350.000 kilo atzo, Kantabriako eta bertoko 26 itsasontziren artean. Hori horrela, aspaldiko partez, izugarrizko mugimendua egon da azkan bi egunetan Ondarroako portuan. Kalare Deuna Kofradia aurrea eta moila inguruak sardina kaxaz beteta agertu dira eguerdira arteko orduetan. Prezioa 0,39 euro eta 0,60 euro artean ibili da, nahikoa polito. Sardinagaz batera, nahastuta, txitxarroa be agertu da tartean-tartean, batez be, baltza. 0,40-0,50 euro bitartean saltu da. Hamazazpi itsasontzi zebiltzan azkan asteetan hegaluzetan, tartean, Lekeitioko Kalamua. Domekan atera ziren azkanengoz hegaluze bila, eta txermola bat edo beste kenduta, ez zuten ezertxo be topatu. Horrenbestez, Gipuzkoako eta Bizkaiko ontziek amaitutzat emon dute kanpaina. Eguraldi ona, emaitza onak Urtarrila-otsaila bueltara arte, sardina izango da arrantzaleek portura gehien ekarriko duten arraina, eta eguraldiak azkanengo egunetan modura ona izaten jarraituz gero, arrantzualdiak onak izan daitezke. Kalare Deuna Kofradiako asteko benta Eguena, azaroak 3 -Buzten baltza. 1.400 kilo: 2,92 euro, bataz beste. -Betandia. 2.300 kilo: 0,89 euro, bataz beste. -Txitxarro zuria. 6.800 kilo: 1,62 euro, bataz beste. Barikua, azaroak 4 -Buzten baltza. 1.500 kilo: 2,03 euro, bataz beste. -Betandia. 9.400 kilo: 0,74 euro, bataz beste. -Txitxarro zuria. 3.900 [...]
Iraileko KPIa kontuan hartuta, %3,1 igo ditu Ondarroako Udalak 2012an indarrean egongo diren zerga eta tasa gehienak. Datorren urtera begira, zergen eta tasen inguruko azterketa orokorra eta sakona egiteko asmoa erakutsi du Udalak, «bizi den egoeran irizpide sozialak lehenetsita». Salbuespenak be egongo dira halanda be: jarduera ekonomikoaren gaineko zerga, udal liburutegiarenak –internet eta fotokopia zerbitzua– eta Herri Busaren tasak izoztu egin dituzte. Igoerarik handiena ibilgailuak kaleetatik kentzeko tasak eduki du: %10. Era horretan, eta aparkatzeko dagoen arazoa ikusita, «baztertuta lagatzen diren ibilgailuen kopurua txikitzea» bilatuko du Udalak. Igoera ezarrita, ibilgailuak bide publikotik kentzeko kuota 65 eurokoa izango da. Atoia, furgoneta eta antzerako ibilgailen kasuan, 110 euroraino iritsiko da kostua. Bitartekorik eduki ezean, Udalak partikularren ordaindutako zerbitzua kontratatu ahalko du. Trakzio mekanikodun ibilgailuen zerga 80 euro eta 192,6 euro bitartekoa izango da: 8 eta 11,9 zaldiko ibilgailuen jabeek 80 euro ordaindu beharko dute; 13,9 zaldi artekoek 139 euro. Beste alde batetik, 21 jesarleku baino gitxiago daukaten autobusek 192,6 euro inguru ordainduko dituzte; 125 zentimetro kubikora arteko ziklomotorrek 10 euro baino zer edo zer gehiago. Datorren urteko ordenantza egitean gama altuko autoen titularrek gehiago ordainduko dute, Udalak mailakatze printzipioa ezarrita. « Gehiago daukatenek gehiago ordainduko dute», zehaztu dute udal ordezkariek. Hiru hileko [...]
Biharko deitu du Ondarroako Udaleko Ingurumen Batzordeak bilkura, 18:00etan, udaletxean. Alde batetik, orain artean egindako ekimenen balorazioa egingo da, eta horren baitan, kontsumo arduratsuari buruzko hitzaldia egongo da aztergai. Bestetik, 2011ko ...
Artibai eta Berriatukoren arteko derbia jokatuko da zapatuan Barroetan. Talde biek ez dute emaitza onik lortu azken partiduetan, eta beraz, garaipenaren bila aterako dira zelaira. Hamaika puntugaz bederatzigarren dago Artibai Futbol Taldea, eta hamar p...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
