Idi probak lehiatuko dira Etxebarrian, apirileko Pazko astean
Aurten be idi dema egongo da Etxebarrian, Pazko astean. Parte hartzaileen arabera, apirilaren 5etik 9ra luzatuko dira probak. Deman parte hartu nahi dutenek martxoaren 25ean emon beharko dute izena, udaletxean. Baldintzak hauek izango dira: Idi bikote...
Aurten be idi dema egongo da Etxebarrian, Pazko astean. Parte hartzaileen arabera, apirilaren 5etik 9ra luzatuko dira probak. Deman parte hartu nahi dutenek martxoaren 25ean emon beharko dute izena, udaletxean. Baldintzak hauek izango dira: Idi bikoteek 1.100 kiloko pisu oinarria izango dute eta idi-buztarri bakoitzak akulari bi eroango ditu. Oraingoan be Etxebarriko 1.500 kiloko harria erabiliko dute probalariek. Bestalde, Lehiaketa Euskal Herriko Kirol Federazioak kontrolatuko du, eta, beraz, probak dopinaren kontrako arauen barruan egingo dira. Idiak 10:00etan pisatuko dituzte, probalekuan bertan.
Sari handiak izango ditu Etxebarriko idi demak. Lehenengo hamabostek izango dute saria. Irabazleak 1.600 euro, mantak, txapela eta garaikurra eroango ditu, eta hamabosgarrenak 450 euro. Eskualdeko lehenengoari 300 euro eta akulu sorta emango diote. Bestalde, 25 untze egiten dituztenek 400 euroko dieta eskuratuko dute.
