Euskal erromeria, zapatuan, Lekeition
Euskal erromeriagaz amaituko dira aurten be Aittitta Txiki kultur taldeak antolatutako euskal dantza ikastaroak. Danetara, 130 lagunek parte hartu dute aurten euretan, eta guztiak aterako dira zapatuan kalera, ikasitakoa erakustera. Egun osoko jaia i...
Euskal erromeriagaz amaituko dira aurten be Aittitta Txiki kultur taldeak antolatutako euskal dantza ikastaroak. Danetara, 130 lagunek parte hartu dute aurten euretan, eta guztiak aterako dira zapatuan kalera, ikasitakoa erakustera. Egun osoko jaia izango da zapatukoa. Goizean, kalejira egingo dute dantzariek Aittitta Makurrako Txikirri-Txikirri taldeko trikitilari eta txistularien laguntzagaz.Arratsaldean, barriz, Basauriko Hazedoinu gaiteroak eta Laket taldearen erromeria egongo dira. «19:00etan hasiko da erromeria plazan, eta 20:00etan, atsedenaldia egingo da, gaiteroen doinuak entzun eta Larraindantza dantzatzeko», azaldu dute antolatzaileek. Ondoren, erromeriagaz jarraituko da. «Giro polita egongo da, eta beraz, herritar guztiak gonbidatu nahi ditugu euskal erromeriako goizeko zein arratsaldeko ekimenetan parte hartzera», animatu dute antolatzaileek
