36ko gerran hildako lau gudariren gorpuak lekutu dituzte Zierdamendin
Aranzadi Zientzia Elkarteak gidatuta, Elgoibar 1936, eta Ahaztuen Oroimena Markinaldeko Frentea 1936 elkarteek, 36ko gerran hildako lau gorputz aurkitu dituzte Etxebarria eta Elgoibar artean dagoen Zierdamendiko hobi batean. Joan den zapatuan aurkitu zituzten gorpuzkiak, eta familia batzuen eskariari jarraituz, gorpuak hobitik aterako dituzte datorren zapatuan. Horretarako, San Miguelgo frontoian jarri dute hitzordua 11:30ean, eta 12:00ak aldera, pagadira igoko dira hilobiratutako gudariak dauden lekura. «36ko gerraren lerroa zazpi hilabetetan egonkortu aurretik, borrokak egon ziren zonalde horretan, eta ondorioz, Zierdamendiko basoan hilotz geratu ziren gudariak inguruko auzotarrek lurperatu zituzten», azaldu dute Ahaztuen Oromena taldeko kideek. Hobiak aurkitzeko, belaunaldiz belaunaldi igarotako testigantza horrek ezinbestekoak izan direla aitatu dute elkartekoek.
Argazkiak: Ahaztuen Oroimena Elkartea
Aranzadi Zientzia Elkarteak gidatuta, Elgoibar 1936, eta Ahaztuen Oroimena Markinaldeko Frentea 1936 elkarteek, 36ko gerran hildako lau gorputz aurkitu dituzte Etxebarria eta Elgoibar artean dagoen Zierdamendiko hobi batean. Joan den zapatuan aurkitu zituzten gorpuzkiak, eta familia batzuen eskariari jarraituz, gorpuak hobitik aterako dituzte datorren zapatuan. Horretarako, San Miguelgo frontoian jarri dute hitzordua 11:30ean, eta 12:00ak aldera, pagadira igoko dira hilobiratutako gudariak dauden lekura. «36ko gerraren lerroa zazpi hilabetetan egonkortu aurretik, borrokak egon ziren zonalde horretan, eta ondorioz, Zierdamendiko basoan hilotz geratu ziren gudariak inguruko auzotarrek lurperatu zituzten», azaldu dute Ahaztuen Oromena taldeko kideek. Hobiak aurkitzeko, belaunaldiz belaunaldi igarotako testigantza horrek ezinbestekoak izan direla aitatu dute elkartekoek.
