Simon Bolivar Museoak sarean bere tokia hartu du
Ziortza-Bolibarko Simon Bolivar museoaren urtemugaren ospakizunean Josune Ariztondo Bizkaiko Foru Aldundiko Kultura diputatuak esan bezala, museoak bere eskaintza zabaldu du sarean.
Hainbat dira museoak bere webgunean (www.simonbolivarmuseoa.com) herritarrari eskainitako aukerak. Besteak beste, museoagaz lotura duten jolasetan ibiltzeko aukera du erabiltzaileak. «Museoan bertan be ordenagailuak ipini ditugu, bisitariek joku intereaktiboak bertatik bertara erabiltzeko», adierazi dute museoko arduradunek. Museoan bertan ez ezik, webgunean be Simon Bolivarri buruzko informazioa aurki dezake erabiltzaileak.
Gainera, Ziortza-Bolibar Erdi Aroan nolakoa zen ezagutzeko aukera eskaintzen du, bideo baten bitartez.Bestalde, museoari berari buruzko xehetasunak azaltzen ditu, eta baita bertara egin daitezkeen bisita gidatuei buruzkoak be. Azkenik, Ziortza-Bolibar ingurua ezagutzeko gomendioak emoten ditu.
