Laguntzaile, bolondres eta herritarrei eskerrak eman dizkie Markina-Xemeingo Udalak
Euskal Herriko Itzuliaren azken bi egunetako balorazio ona egin du Markina-Xemeingo Udalak, eta lagundu duten guztiei bere esker ona agertu nahi izan die. Diru laguntza bidez Itzulia Markina-Xemeinen amaitzea posible egin duten guztiei, bolondresei, eta udaleko beharginei eta udaltzainei eskerrak eman dizkie, bai eta herritar guztiei ere. “Zeuoi esker egun biak zoragarriak izan direlako eta gure herriaren edertasuna eta irudia mundu osoan zehar erakustea lortu dugulako”, azpimarratu dute. Egunotan Markina-Xemeinera etorri direnentzat herritar guztiek erakutsitako jarrera “alai eta baikorra” herriaren irudi bihurtu dela esan dute.
