2014/4

Gure Esku Dagok ekitaldi jendetsuak egin ditu asteburuan

https://www.youtube.com/watch?v=Up2_T2fSUqw Zapatuan, Markina-Xemeingo Gure Esku Dago taldeak giza katea egin zuen, Zelaian. Ekintzak jendetza batu zuen Markina-Xemeingo erdigunean. Orain arte saldutako metroak zenbat diren eta aurrera begira taldeak dituen erronkak azpimarratu eta gero, herritarrek giza katea egin zuten. Zelaia inguratuz, berriro ere frontoi txikiaren parera gerturatu ziren parte hartzaileak. Eta behin ekintza hori eginda, Pirritx, Porrotx eta Mari Mototsen Eskuetan abestia ipini eta dantzan egin zuten han bildutakoek.

Lea-Artibai eta Mutrikuko Hitza

Contador, 54. Itzuliaren jaun eta jabe, Markina-Xemeinen

https://www.youtube.com/watch?v=-UJ0xV8U-Qg&feature=youtu.be Alberto Contadorrek bere hirugarren itzulia lortu du gaur Markina-Xemeinen. Tinkoff-Saxo taldeko txirrindularia bigarren geratu da itzuliaren azken etapan erlojupeko bikaina egin ondoren, eta Euskal Herriko Itzuliko podiumaren gorenera igo da.

Itzuliaren azkena, Markina-Xemeinen

https://www.youtube.com/watch?v=94q_q9DQtSE Itzuliko azken etapa, zapatukoa, erlojuaren kontrako bakarkako saioa izango da. Danetara 25,9 kilometroko egin beharko dituzte txirrindulariek Markina-Xemein inguruetan zehar. Etapa horrek bi muino izango ditu, Gontzugaraiganekoa eta Santa Eufemiakoa, azken hau helmugatik 5 kilometrotara. Kontutan hartzekoa izango da azken kilometro eta erdia Markina-Xemeingo kaleetatik barrena izango dela.

5. etapako kronika: SKY taldeko Ben Swift lehena Markina-Xemeingo helmugan

https://www.youtube.com/watch?v=94q_q9DQtSE Ben Swift (Sky) nagusi izan da gaur (apirilak 11), Eibar eta Markina-Xemein artean lehiatu den Euskal Herriko Itzuliaren bosgarren etapan. Britainiarra hogei bat txirrindulariz osatutako talde txiki bateko azkarrena izan da. Alberto Contador (Tinkoff-Saxo) eta Alejandro Valverde (Movistar) faboritoak talde berean heldu dira. Alejandro Valderde bigarren sartu da helmugan Michal Kwiatkowski lepoan duela. 9. egin du Alberto Contadorrek.

Gehiago