Euskal preso politikoen aldeko elkartasuna erakutsi dute Lekeition eta Ondarroan

https://www.youtube.com/watch?v=Al_WlDLNx2Q&feature=youtu.be Bariku iluntzean Ondarroan Elkartasun Bertso Saioa egin zen. Hasiera batean ekimena frontoian egin behar baldin bazen ere, azken orduan, eguraldi txarra tarteko, bertso saioa lekuz aldatu behar izan zuten antolatzaileek. Azkenean, Sustrai Colinak, Iratxe Ibarrak eta Arkaitz Estibalesek Kalare Deuna kofradian abestu behar izan zuten. Gai jartzaile lanetan Kirmen Uribe aritu zen, eta Uribek proposatutako gai xelebreek kofradian batu zen publikoaren barre algarak eragin zituzten.

Lea-Artibai eta Mutrikuko Hitza

Lekeitio,Ondarroa

2014/07/21

Zapatuan Lekeition ospatu zuten Elkartasun Egunean herriko hiru euskal preso politikoak, Arantza Zulueta, Julen Atxurra Pototo eta Andoni Gabiola Toñua, gogoan izan zituzten. Askatasuna helburu elkartasuna bide lemapean Preso eta iheslarien aldeko mugimenduak antolatuta egun osoko egitaraua izan zuten zapatuan Lekeition.

10471427_633972233368641_7418499577281665271_n

Elkartasun Eguneko parrillada egin zuten Lekeitioko Gaztetxekoek

Ia 300 lagun elkartu ziren bazkaltzeko Lekeitioko Independentzia plazan, eta kafe orduan euria egin zien arren hantxe eutsi zuten, arbola azpian gordeta, atertu zuen arte. Dantzan ere egin zuten plazaren erdian Erdizka Lauetan taldekoek lagunduta, eta herriko presoentzako postalak idatzi zituzten guztien artean. Iluntzean, Eskolapetik hasita manifestazioa egin zuten herrian zehar eta ekitaldiagaz amaitu zuten ibilbidea. Elkartasun Egunak, gaztetxean izan zuen jarraipena. Gaztetxekoek, parrilada antolatu zuten aurreko plazan eta kontzertuak eta DJ-a egon ziren gaztetxe barruan.

Bertso saioa kofradian egin zen Ondarroan

Bariku iluntzean Ondarroan Elkartasun Bertso Saioa egin zen. Hasiera batean ekimena frontoian egin behar baldin bazen ere, azken orduan, eguraldi txarra tarteko, bertso saioa lekuz aldatu behar izan zuten antolatzaileek.

Azkenean, Sustrai Colinak, Iratxe Ibarrak eta Arkaitz Estibalesek Kalare Deuna kofradian abestu behar izan zuten. Gai jartzaile lanetan Kirmen Uribe aritu zen, eta Uribek proposatutako gai xelebreek kofradian batu zen publikoaren barre algarak eragin zituzten.