Gazte Eguna ospatuko dute zapatuan Berriatuan
Beste urte batez, Berriatua jai giroan murgiltzen hasiko da zapatuan [apirilak 30]. Nekazal eta Kontserba Azoka egiteaz batera, Berriatuko Gazte Asanbladak antolatutako Gazte Egunak astebete beranduago hasiko diren San Gregorio Jaietako motorrak berotuko ditu.
Egun osoko jaia izango da zapatukoa. Izan ere, Gazte Ansanbladako kideen esanetan, aurten, Gazte Egun “potente” bat antolatu nahi izan dute. “Dagoeneko Sator Zulo gaztetxeak 5 urte egin ditu, eta Gazte Asanblada ere 15 urtera gerturatzen ari da. Berriatuan gazte mugimendua geldirik dago, inoren parte hartzerik ez dagoelako. Dena dela, 5-7 gazte inguru elkartu eta ilusioagaz egun handia antolatu nahi izan dugu; ilusioa ez dugu oraindik galdu”.
Bazkarian parte hartzeko, hilaren 27a baino lehen izena ematen dutenek 7 euro ordainduko dute; egunean bertan ere izena eman ahalko da, baina prezioa 12 eurokoa izango daEta herritarrei ere Gazte Egunaren baitan egingo diren ekintzetan parte hartzeko gonbitea egin nahi izan diete. Denok antolatu behar dugu zerbait, gutxi batzuk dena antolatu behar ez dezaten leloagaz, beraz, herritarrei jai antolatzen laguntzeko eta jaian bertan murgiltzeko dei egin diete. Bazkaria 15:00etan egingo dute. Horretan, gainera, bertoko produktuak izango dira protagonista. “Azoka dagoela aprobetxatuz, bazkaria bertoko produktuekin egingo dugu. Horrela, bertoko nekazari eta abeltzainei laguntzen diegu”. Menua ondokoa izango da: patatak Errioxar erara, solomoa saltsan piper gorriekin, eta postrea, kafea eta kopa. Menu horrez gain, bazkari begetarianoa ere egongo dela aurreratu dute.
Aurten karpa bat ipiniko duten antolatzaileek; eguraldi txarra egiten badu, bazkaria, jolasak eta kontzertuak karpa barruan egingo diraBazkarian parte hartu nahi dutenek, eta apirilaren 27a [eguaztena] baino lehen izena ematen dutenek, 7 euro ordaindu beharko dituzte; bestela prezioa 12 eurokoa izango da. Zerrendak gaztetxean bertan, Urepel eta Zentrala tabernetan daude. “Guztiok zaudete bazkarira gonbidatuta”. Jolasak. Bazkaria egin eta gero, 17:00etan, jolasak egingo dituzte. Aurten, gainera, karpa bat ere egongo da. “Eguraldi txarra egiten badu, beraz, ez da ezer gertatzen. Euria egiten badu, bazkaria, jolasak eta kontzertuak karpa barruan egingo dira”. Jolasak egin eta gero, musika poteoa egingo dute, Motxaila Band elektrotxaranga taldeagaz. Eta gauean, 22:00etan, kontzertuak egongo dira: Ironia (Ondarroa), Nik Khaos (Arratia-Galdakao) eta Xutik (Lapurdi-Behe Nafarroa). ALBISTEA: Nekazal eta Kontserba Azoka+Elkarteen III. Pintxo Lehiaketa
Erlazionatutako edukiaNekazal eta Kontserba Azoka zapatuan, Berriatuan
