Lekeitio BHI-ko eta Ondarroa BHI-ko ikasleek Urruzuno Saria eskuratu dute
Urruzunotarrak gehituz izenburupean, Bizkaia, Gipuzkoa eta Arabako ikastetxeek parte hartzen duten literatur lehiaketa urtero egiten da. Horretan, Lekeitio BHIko eta Ondarroa BHIko ikasleek beti parte hartzen dute, bai eta sariak lortu ere. Aurten, Ondarroako Inge Revuelta Bustingorrik eta Lekeitioko Miren Etxebarriak eta Olatz Martiartuk lortu dituzte sariak.
Lekeitiarrei dagokienez, Etxebarriak B Kategoriako prosa sailean lortu du saria, estreinako, Larunbatak lanagaz. Martiartuk, ostera, bigarrenez jaso du sari preziatua; iaz ere lortu zuen. Kaiolarena zen enara lanagatik saritu dute Martiartu.
Revuelta ondarrutarrak Itsaso lanagatik saritu dute, A Kategorian. Ondarrutarrak estreinako jaso du saria hau, baina bestelako literatura lehiaketetan ere parte hartu izan du. Hala, 2014ko Ondarroako Nanoipuin Lehiaketan hirugarren saria eskuratu zuen, eta Augustin Zubikarai Literatura Sarian ere parte hartu izan du.
Urruzunotarrak gehituz sariketaren xedea ikastetxeetan ikasten ari diren DBH3 eta DBH4 (B Kategoria) eta Batxilergoko 1. eta 2. mailak, edo Erdi Mailako Heziketa Zikloetako (A Kategoria) ikasleen artean literatura sorkuntza lana sustatzea da. “Hori dela eta, maila horietako gazteek, lanak pizgarri eta bultzagarri gisa hartu, eta euskara euren gogoeta eta sentimenduak adierazteko tresna izatea bilatzen da”.
Ezkerretik eskumara, Miren Etxebarria eta Olatz Martiartu Lekeitio BHIko ikasleak. Argazkia: Lekeitio BHI.
