Etxebarriko Jubilatuen Elkarteak ere Juanita Zelaia omendu du

2018/01/22

100 urte betetzea ez da hutsaren hurrengoa. Eta horixe bera deritzote etxebarritarrek ere. Hala, Etxebarriko Jubilatuen Elkarteko kideek euren omenaldia egin nahi izan diote Juanita Zelaia herritarrari. Hilaren 13an mendeurrena ospatu zuen Zelaiak. Eta zapatuan herriko agintarien oparia jaso eta gero, hurrengo egunean, herriko erretiratuen elkartekoen omenaldia jaso zuen. Azaldu dutenez, meza ostean 50 herritar baino gehiago batu ziren erretiratuen lokalean. Argazki bilduma bat eta Joseba Artza herriko bertsolariak idatzitako bertsoa oparitu zioten Zelaiari. Zorionak zuri abesteaz gain, oparitutako bertsoa ere kantatu egin zuten. «Horrez gain, domeketan batzen diren lagunek lora txorta bat oparitu zioten». Ez zen falta izan pastelik ez eta luntxik. Eta Zelaia bera ere pozik egon zela aitortu dute. Edonola ere, omenaldi herrikoia egin nahi izan zioten herritarrek, bihotz-bihotzetik. HONEKIN LOTUTA: Udaleko eta aldundiko ordezkariek egindako omenaldia (bideoa+argazki galeria)

Juanita Zelaiari herritarrek egindako omenaldia

Erlazionatutako edukiaJuanita Zelaia etxebarritarrak udaleko eta aldundiko ordezkarien bisita jaso du 100. urtebetetze egunean