Inoizkorik jende gehien batu da aurten Berriatuko Paellada Egunean

2018/05/12

Berriatua San Gregorio jaietan murgilduta dago. Gaur [maiatzak 12] Paellada Eguna ospatu dute. Guztira 32 paella aurkeztu dituzte, eta 740 lagun inguru batu dira Mendibarren frontoian bazkaltzen. Herritarrek esan dutenez, jai egunak “inoizkorik jende gehien” batu du aurten. Eguraldi txarragaz ere, berriatuarrak eta inguruko herrietako bizilagunak ez dira ez etxean geratu. Herriguneko aterpe guztien jabe eginda, zeinek paellarik onena egin aritu dira denak.

[zuzenean ARGAZKI GALERIA IKUSI]

Hasiera batean 13:00etan Kataluniako Viladamant herriko lagunei ongietorria egitea aurreikusita bazegoen ere, eguraldia ez du lagundu, eta azkenean bazkalorduan egin diete aipamena; 60 katalan inguruk parte hartu dute paelladan. Paella irabazlea. 14:00etarako paella guztiak frontoian zeuden. Eta orduan epaimahaiaren txanda izan da. Guztiak dastatu eta puntuak banatu eta gero, onena 6. zenbakia zeukana izan dela erabaki dute; Berritxuko alabak eta Gernika-Lumoko lagunek osatutako taldea izan da irabazlea. Barazkiekin osatutako paella egin dute, eta apaimahaiaren iritziz, originala izan da, “ezohikoa”.

[zuzenean ARGAZKI GALERIA IKUSI]

Katalanei oparia. Jon Arriola Berriatuko alkateak txapela oparitu zion Robert Sabater Viladamat herriko alkateari. “Kataluniako prozesun ezagutu zuten elkar, eta herriko jaietara elkar gonbidatu zuten. Hala, Arriola Viladamatera joango da uztailean.

[jaietako EGITARAUA IKUSI]

HONEKIN LOTUTA:

Erlazionatutako edukiaARGAZKI GALERIA: Berriatuko Paellada Eguna