Lea-Artibaiko Sahela Elkarteak 6.200 kilo janari bialdu ditu Saharara
Martitzenean bidali zuten kaxaz betetako kamioia Lekeitiotik Bilbora, eta martxoaren 2an irtengo du karabanak errefuxiatu kanpamendura.
Sahela elkartekoak amioia kargatzen Saharara bidaltzeko janari kutxekin. Argazkia: Sahela Lekeition, Ispasterren eta Markina-Xemeinen egin dute bilketa, eta janariagaz gainera, ume jaio berrientzako sei kulunkaulki ere joango dira Daglara.
Arduradunek esan dutenez amak informatika klaseak hartzen dituzten bitartean umeak haurtzaindegian egoten dira, eta bertarako dira kulunkaulkiak.
Gehienbat gosarirako elikagaiak batu ditu aurten elkarteak. Izan ere, azken hiru urteotan, bildutako kopuruaren parte bat Daglako eskolara bidaltzen dute bertako umeek gosaltu ahal izateko.
Martitzenean [otsailak 19] bidali zuten kaxaz betetako kamioia Lekeitiotik Bilbora, eta martxoaren 2an irtengo du Sahararen aldeko XV. Elkartasun Karabanak Laudiotik Tindufeko (Aljeria) errefuxiatu kanpamendura.
