Oñati eta Mariaren Bihotza abesbatzen kontzertua, Mutrikuko komentuan
Kontzertua 19:30ean hasiko da, eta doakoa izango da. Bia abesbatzak Mirengu Plazaolaren zuzendaritzapean ariko dira, eta guztira bederatzi pieza eskainiko dituzte.
Oñati abesbatzako kideak. Argazkia: Oñati abesbatza Mutrikuko Udalak antolatutako Musika Hilabetearen lehenengo kontzertuaz gozatzeko aukera egongo da zapatuan (otsailak 23), 19:30ean, Santa Katalina komentuan, doan.
Oñati abesbatza eta Mariaren Bihotz abesbatza ariko dira lehenengo saio horretan. Biak Mirengu Plazaolaren zuzendaritzapean ariko dira, eta guztira bederatzi pieza eskainiko dituzte.
Oñati abesbatza 1966an sortu zen, eta ahots mistoz osatuta dago. Urte horietan guztietan, taldeak jaialdi eta omenaldi askotan parte hartu du, batez ere Euskal Herrian. Dena dela, Espainian eta Frantzian ere hainbat kontzertu eskainitakoak dira.
Saio gehienetan a capella aritzen badira ere, organoak eta orkestrak lagunduta ere aritu izan dira. Batik bat euskal musika eskaintzen dute, gehienetan Aita Madinaren abestiak.
Mariaren Bihotza. Mariaren Bihotza abesbatza 38 ahots mistok osatzen dute. Taldea Antxon Sierrak sortu zuen 1962an. Sierraren zuzendaritzapean, hain zuzen ere, hainbat garaikur eta lehiaketa irabazi zituzten, Euskal Herrian zein atzerrian. Horrez gain, zortzi disko grabatu ere grabatu eta Donostiako Kontserbatorioko orkestraren emanaldietan ere lagundu izan dute. 2009az geroztik, Saioa Zuaznabar da taldearen musika zuzendaria.
Bi abesbatzek Mutrikun eskainiko duten emanaldian Arantxa Agirre izango da sopranoa, eta Jose Luis Otazo baritonoa. Organoa Gerardo Rifonek joko du.
