Jonpu-Josu eta Jon Ander-Mikel bikoteak, garaile Amoroton
Amorotoko 30. Pala Txapelketan Jonpu eta Josu dira 1. mailako txapeldunak. 2. mailan, berriz, Jon Ander eta Mikel nagusitu dira.
Amorotoko Pilotazaleen elkarteak antolatutako 30. Pala Txapelketaren finalak lehiatu zituzten zapatu arratsaldean.
2. mailako finalagaz hasi zuten pala ikuskizuna. Jon Ander – Mikel bikoteak 30-26 irabazi zion Simon-Azeri bikoteari. Ondoren, Emakume Master Cupeko binakako txapelketaren finalaren errebantxagaz gozatu zuten frontoira bertaratutakoek. Patri Espinar eta Miriam Arrillaga 22-16 nagusitu zitzaizkien Leire Garairi eta Leire Etxanizi.
Argazkia: Amorotoko Pilotazaleak.
1. mailako finala izan zen arratsaldeko azken neurketa. Jonpu eta Josu dira aurtengo txapeldunak, 30-24 mendean hartu zituzten Kepa eta Eneko.
Txapelketaren 30. urteurrena ospatzeko amaiera berezia izan zuten. “Jende asko hurbildu zen Amorotoko frontoira eta partiduak bukatuta festarekin jarraitu ahal izan genuen Amorotoko Herriko tabernan, pintxo potearekin”, azaldu dute antolatzaileek.
Argazkia: Amorotoko Pilotazaleak.
