100 gaztetxo batuko dira Mutrikuko III. Zubi memorialean
Mutriku Errugbi Eskolak antolatuta, herrian errugbia sustatu eta errugbi taldea sortu zuen Jesus Mari Zubikarai Azpiazu zenaren omenezko III. Zubi memoriala jokatuko dute domekan [ekainak 9], San Miguel futbol zelaian.14 urtez azpikoen topaketan 100 gaztetxo batuko dira.
11:30ean hasita, lau talderen arteko norgehiagokak ikusteko aukera egongo da. Ordiziako eta Getxoko (bi talde) errugbi taldeetako jokalariak Mutrikuko taldearen aurka ariko dira nor baino nor indartsuago. “Denek denen aurka lagunarteko partiduak jokatuko dituzte”. Topaketa azken partidua berezia izango dela aurreratu dute. “Talde guztietako jokalariak Karistiarrak eta Barduloak taldeetan batuko ditugu nahastuta”.
Aurretik, berriz, bestelako partidua jokatuko dute Mutrikuko Errugbi Taldeko gazteenek. “10 urtez azpikoek gurasoen aurka partida motz bat jokatuko dute 11:00etatik 11:30era”. Topaketa amaitzean, 14:30ak inguruan, Merkatu Plazan bazkaria egingo dute. “Txapelketa parte hartu duten jokalari guztiak gonbidatuta daude. Entrenatzaile eta gurasoentzako, berriz, hirugarren prestatu dugu”.
