Sorgin Gaba prestatzen hasiko dira barikuan, Ziortza-Bolibarren
Aranbaltz kultur elkarteak jakinarazi du barikuan [ekainak 14] sorgin dantza entsegatzeko hitzordua jarri dutela, 20:15ean. Hilaren 21ean, ostera, herria apaintzeko batuko dira, 17:00etan. Azkenik, hilaren 23an, belar eta lore apainketa egingo dute.
Iazko jaian parte hartu zuten herritarrak. Ate joka daude San Joan jaiak. Eta urtero egin modura, Ziortza-Bolibarko Aranbaltz kultur elkarteak prestaketa lanei ekiteko hitzorduak jarri ditu. Alde batetik, barikuan [ekainak 14], sorgin dantza entsegatzeko batuko dira, 20:15ean. Hilaren 21ean, ostera, herria sorgin gaueko ikurrekin apainduko dute, 17:00etan hasita. Egun berean, baina, antzezpenaren eta bi sorgin dantzen entseguak ere egingo dituzte; 19:00etan hasiko dira antzerkia entsegatzen. Azkenik, hilaren 23an belar eta lore apainketa egingo dute, 10:00etan hasita.
Deialdi horien berrie emateaz batera, Sorgin Gabean mozorrotzeko asmoa duten herritarrei elkarteko kideek jakinarazteko oharra zabaldu dute, “aurreikuspena egiteko”. Parte hartzaileei WhatsApp mezu bat bidaltzeko edo telefonoz deitzeko (627 85 88 84) eskatu diete. “Bestela, fitxa Aranbaltzeko kide bati eman ahal zaio”.
Herritarrei ekarpenak egitea edota jaia antolatzen laguntzea eskertuko dietela esan dute. “Aurretiaz gure esker ona Sorgin Gaba posible egiten duzuen guztioi”.
