Irlandako arrantza ontziek Ondarroako portua zikindu dutela salatu dute
Herritarrek esan dutenez, Irlandatik etorritako arrantza ontziak garbitzen ibili ziren atzo [uztailak 3] Ondarroako portuan. "Txalupa garbitu bai, baina portuko ura aparrez beteta utzi dute".
Herritarrek jakinarazi dutenez, atzo goizean [uztailak 3] porturatu ziren Irlandako bi arrantza ontziak. “Heldu eta segituan ontziak garbitzen hasi ziren, eta gure portuko ur azala aparrez bete zuten”. Salatu dutenez, gainera, bi arrantza ontziak “sare pelagikoekin arrantzatzera” etorri dira.
Irlandan eta Ingalaterran ontziak garbitu eta ur azala zikintzeagatik isuna jartzen dutela esan dute. “Horrelako zerbait egiten baduzu Irlandako edo Ingalaterrako portuetan sekulako isuna jartzen dizute. Eta hemen?”.
