Ate joka datoz Ondarroako Karmen jaiak
Datozen egunotan karmenak ospatuko dituzte Ondarroan, Galizia Etxearen eskutik. Barikuan [uztailak 12] hasi eta domekara [uztailak 14] bitartean, askotariko kultur ekintzez gozatzeko aukera egongo da Itsasaurre plazan.
Ondarroako Karmen jaiak Ohi modura, Galizia produktu tipikoekin eta ekintza kulturalekin abiatuko dituzte jaiak. Galiziako folklorearen onenak ere leku pribilejiatua izango du jaietan. Datozen egunotan Laudioko eta Santurtziko Galizia Etxeetatik etorriko gaita jotzaileak eta dantziak herriko kaleak soinuz eta dantzaz betetzen ariko dira. Eurekin batera, Ondarroako Galizia Etxeko Os Novos Mariñeiros talde estreinatu berria ere ariko da.
Jaietako unerik bereziena, baina, domekan izango dela iragarri dute Galizia Etxeko kideek. Ohi modura, Andra Mari parrokiara prozesio berezia egingo dute Karmengo ama birjinaren irudiagaz batera. Meza ostean, jolas itsasontzietan sartu, eta itsasoan galdutako eta hildako arrantzaleei omenaldi xume bezain hunkigarria egingo diete badiako uretan. Ekitaldia lore eskaintzagaz amaituko dute.
EGITARAUA
Uztailak 12, barikua
- 12:00. Ekintza kulturalen hasiera eta Galiziako produktuen salmenta, Itsasaurre plazan.
- 21:00-02:30. Togayan hirukotearen eta La Potencia orkestraren emanaldia, Itsasaurren.
Uztailak 13, zapatua
- 12:00. Ekintza kulturaren hasiera eta inaugurazioa, eta Galiziako produktuen salmenta.
- 12:00. Luntxa agintari eta gonbidatuekin.
- 12:00. Laudioko Galizia Etxeko Espalladoiros gaita eta dantza taldearen eta Ondarroako Galizia Etxeko Os Novos Mariñeiros taldeen kalejira.
- 13:00. Bermuth saioa, La Potencia orkestraren eskutik.
- 21:00-02:30. Togayan hirukotearen eta La Potencia orkestraren emanaldia, Itsasaurren.
- 23:00. Keimada handia.
Uztailak 14, domeka
- 12:00. Ekintza kulturalen hasiera eta Galiziako produktuen salmenta, Itsasaurre plazan.
- 12:00. Karmengo Ama Birjinaren omenezko meza santua, parrokian. Ondoren, prozesioa Ondarroako badian zehar, Ondarroako Galizia Etxeko Os Novos Mariñeiros gaita taldeak lagunduta.
- 12:00. Santurtziko Galizia Etxeko Corxa Airiños Galegos Doce Albor gaita eta dantza taldearen kalejira.
- 13:00. Bermuth saioa Raza Azteca mariatxien eta Mexico Magico balletaren eskutik.
- 18:00. Umeentzako ekintzak.
- 18:00. DJ Zirkin.
