83 korrikalari batu ditu Etxebarriko lehen herri krosak
Hiru ibilbide eduki zituzten aukeran, adin eta gaitasun guztietako korrikalariek parte hartu ahal izateko. 'Denak izen ziren garaile' lemapean, motxila bana oparitu zieten parte hartzaile guztiei.
Etxebarriko Herri Kroseko partaide batzuk aringa-aringa. Argazkia: Txik-Txak Elkartea 83 korrikalarik parte hartu dute Etxebarriko Txik-Txak Kirol Elkarteak antolatu duen Etxebarriko I. Herri Krosean. 11:00etan hasita, korrikalari txiki, gazte eta nagusiek egin zuten aringa-aringa zapatuan [uztailak 20] Etxebarriko kaleetan zehar. Hiru ibilbide eduki zituzten aukeran, adin eta gaitasun guztietako korrikalariek parte hartu ahal izateko: 100 metroko ibilbide laburra, 1.200 metroko ertaina eta 6.000 metroko luzea.
Lehiaketa baino, kirola sustatzea da Txik-Txak elkartearen helburua, eta bide horretatik, Denak izen ziren garaile lemapean, motxila bana oparitu zieten parte hartzaile guztiei. Probaren balorazio oso ona egin dute antolatzaileek, «pozik geratu gara», azpimarratu dute.
[Argazki galeriako argazkiak: Txik-Txak Kirol Elkartea]
