Aranok eta Gojenolak irabazi dute Milloiko jaietako txapel jaurtiketa

Auzotarren egunagaz amaitu dira jaiak Berriatuko Milloi auzoan. Asteburuan giro ederra izan dela nagusi esan dute auzotarrek.

Asier Alkorta

Berriatua

2019/09/02

Beste behin ere Berriatuko Milloi auzoko bizilagunek goi-goitik ospatu dituzte jaiak. Asteburuan giro ona izan dela nagusi azpimarratu dute auzotarrek. Gaur [irailak 2], ostera, urteroko ohiturei eutsi eta jaiekin amaitzeko auzotarren arteko bazkaria eta 16. Txapel Jaurtiketa lehiaketa egin dituzte.

Lehiaketan 14 umek eta 20 nagusik izena eman dute. Umeen artean Amets Arano izan da txapela urrutien jaurti duena. Nagusietan, ostera, Bitxorio Gojenolak eskuratu du garaikurra. Ostean auzotarren bazkaria egin dute, jaiei amaiera emateko.