Auzolan ekintza egingo dute Lekeitioko Usotegi parkean
Lekitto Bedarra taldeak eguenerako [irailak 12] ipini du hitzordua. 16:00etatik 18:00etara egingo da ekintza.
Herritar bat, Usotegiko hesiak margotzen. Argazkia: Lekitto Bedarra Lekitto Bedarrak Usotegi parkean auzolana egingo du eguenean [irailak 12], 16:00etatik 18:00etara. Zehaztu dutenez, ondoko ekintzak egingo dituzte bi orduko tartean: neguko landareak ipini (aza, azalorea, eskarola…), hesiak margotu eta kanpoko lore ontziak zaindu eta lore berriak ipini.
Ikasturteko lehenengo ekintza izango denez, taldean parte hartu nahi duten herritar guztiei Usotegira hurreratzeko gonbitea egin diete taldeko kideek. “Laster baten hasiko gara Usotegi Eguna antolatzen eta udaberrirako ikastaroak aukeratzen”.
