Esku pilotan aritutakoentzat txapelketa antolatuko dute Markina-Xemeinen
Parte hartu nahi duten guztiek domeka [irailak 15] izango dute izena emateko azken eguna. Pilota goxoagaz arituko dira parte hartzaileak.
Markinako nagusien mailako pilotarien partida. Markina-Xemeingo Esku Pilota Taldeak 18 urtetik gorakoentzako txapelketa antolatuko du estreinako aldiz. Esku pilotan ibilitakoak berriro jokora animatu nahi dituztela jakitera eman dute. Azaroan hasiko da jokoa eta abenduaren amaieran amaitzea dute asmoa. Azaldu dutenez, pilota goxoagaz arituko dira.
Bi mailatan banatuko dute txapelketa, izena ematen duten parte hartzaileen arabera. Parte hartu nahi duten guztiek domeka [irailak 15] izango dute izena emateko azken eguna. Horretarako, 630 28 82 94 telefono zenbakira deitu behar dute. Markina-Xemeingo Esku Pelota Taldeak Faceeboken daukan orrian ere izena eman dezaketela gaineratu dute antolatzaileek.
