Plastikoak ingurumenean duen eraginaz gogoetan egingo dute Etxebarrian
Plastikoen inguruko kontzientziazio asteburua antolatu dute Etxebarriko guraso elkarteak eta gazte asanbladak.
Hondakin plastikoek ingurumenean daukaten eraginagaz jabetzeko aukera edukiko dute etxebarritarrek gaur [irailak 20] eta bihar [irailak 21]. Herriko guraso elkarteak eta gazte asanbladak Plastikoaren inguruko kontzientziazio asteburua antolatu dute eta ekimen ezberdinak egingo dituzte gaiaren gainean hausnartu eta ekarpen txikia egiteko.
Gaur plastikoak eragindako kalteen inguruko dokumentalaren proiekzioa eta hitzaldia edukiko dituzte 18:30ean, kultur etxean. Bihar, berriz, erreka garbituko dute. 10:00etan jarri dute ordua Olaia aurrean batu eta lanari ekiteko. Antolatzaileek ekintzarako oinetako eta arropa egokia eramatea gomendatu dute.