Lekeitioko Zine Klubak '12 hombres sin piedad' dakar eguenerako
Progaramazion aldaketak egin dituzte, eta azkenean proiekzioa eguenean [azaroak 21] izango da.
Lekeitioko Zine Klubak 12 hombres sin piedad pelikula eskainiko du eguenean [azaroak 21], 20:30ean, Ikusgarri zinema aretoan.
Hasiera batean azaroaren 28an ziren filma proiektatzekoak. Baina Euskal Zine Bilera dela eta, aldaketa batzuk egin dituzte, eta azkenean asteon proiektatuko dute.
Sidney Lumet-en zuzendaritzapean, filma 1957ean grabatu zen. Ondoko aktoreek parte hartzen dute: Henry Fonda, Lee J. Cobb, Jack Warden, E.G. Marshall, Martin Balsam, Ed Begley, John Fiedler, Robert Webber, Jack Klugman, George Voskovec, Joseph Sweeney, Edward Binns, Billy Nelson, John Savoca, Rudy Bond eta James Kelly.
Sinopsia. Zinpeko epaimahaia osatzen duten hamabi kidek aita hiltzea egozten dioten nerabe bat epaitu behar dute. Kide guztiak, bat izan ezik, konbentzituta daude akusatua erruduna dela. Akusatua errugabea dela uste duen kide horrek gainerako kideak konbentzitzen saiatzen da, arrazoizko argudioak erabiliz.
