Abenduaren 14an boxeoa izango da Uni frontoiko protagonista
Bigarren Boxeo Gaua antolatu dute, eta amateur mailan punta-puntan dabiltzan borrokalarien arteko norgehiagokak ikusteko aukera egongo da. Sarrerak salgai daude.
Lehen Boxeo Gaua Markina-Xemeinen. Argazkia: Txorixe Abenduaren 14an, zapatua, bigarren Boxeo Gaua ospatuko da Markina-
Boxeo gau handia izateko asmoz antolatu dute amateur kategoriako bigarren jaialdia. Lehenengoan baino borroka gutxiago egongo direla jakitera eman dute, aurrekoa bezain luzea ez izateko. Hala ere, maila handiko boxeolariak irtengo dira frontoiko kantxan jarriko duten ringera. Horien artean egongo da, oraingoan ere, Ibai Arantzamendi boxeolari markina-xemeindarra. Arantzamendik oraingoan 81 kilokoen kategorian borrokatuko du. Azaldu duenez, pisu handiko kategorian ia aurkaririk ez dauka borrokan egiteko, eta daudenak borrokaldi asko dituzten eta gorputz oso handiko aurkarien kontrakoak dira. Hori dela eta, bi kategoria jaitsi ditu, “borroka gehiago edukitzeko aukerak biderkatu eta esperientzia gehiago lortzen joateko”.
Ibai Arantzamendi entrenatzen gimnasioan. Argazkia: Ibai Arantzamendi
Arantzamendik bederatzi borrokaldi egin ditu orain arte, eta hurrengoa Markina-Xemeingo jaialdikoa izango da. Prestaketekin hasita dagoela azaldu du. “Indarra eta erresistentzia ariketak txandakatzen ari naiz eta azken astean abiadura landuko dut. Entrenamendu gogorragoaz hasi eta moteltzen joaten naiz, borroka egunean sasoian egoteko”.
Arantzamendigaz gainera, Markina-Xemeingo beste bi gaztek parte hartuko dute K1 erakustaldian. Ronald Diaz eta Alex Sosa ariko dira lehenengoa K1eko 71 kg-ko kategorian neurtuko da, eta bigarrena 63 kg-koan. Hoiez gain, beste hamasei neska-mutilek parte hartuko dute Boxeo Gauean.
Guztira, 10 borrokaldi izango dira, bakarra emakumezkoena, eta bakoitzean 3 minutuko 3 erasoaldi jokatuko dituzte. Hauek dira Markina-Xemeingo Uni frontoian ospatuko den Boxeo Gaueko borrokaldiak:
K1
- 65kg. Imanol/Salah.
- 63kg. Endika Fernandez/Alex Sosa.
- 71kg. Anaitz Olaeta/Ronald Patrocinio Diaz.
- 63kg. Aitor Ibañez/Julian
- 62kg. Luigi Arana/Mohamed El Mohfoudy.
Boxeo
- 69kg. Ion/Ramon.
- 75kg. Ander/Michel Diatta.
- 69kg. Ibai Purriños/Juan Carlos.
- 60kg. Katherine Arredondo/ Alazne.
- 81kg. Ibai Arantzamendi/
Boxeo Gauaren antolatzaileek eskerrak eman nahi izan dizkiete laguntzaileei, aldez aurretik. “Euren laguntzarik barik horrelako jaialdi bat antolatzea ezinezkoa izango zen. Markina-Xemeingo Udalaren laguntza ere eskertu nahi dugu”.
