Hastear dago Euskal Herriko zesta-punta kluben arteko norgehiagoka
Markina-Xemein, Berriatua, Mutriku, Lekeitio eta Gernikako taldeek parte hartuko dute txapelketan. Bizkaiko Eskolarteko Txapelketak ere domekan [urtarrilak 12] emango ditu lehen pilotakadak.
Pilotariak zesta-punta jokatzen. Argazkia: Mutrikuko Danok Bat Pelotazale Elkartea Asteburu honetan [urtarrilak 10-11-12] hasiko da jokoan zesta-puntako Euskal Herriko Kluben arteko txapelketa. Aurten ere, Bizkaiko, Arabako, Gipuzkoako, Iparraldeko eta Nafarroako federazioetako klubek parte hartuko dute, eta Markina-Xemein, Berriatua, Mutriku, Lekeitio eta Gernikako taldeak ere ariko dira maila ezberdinetan: kadete, gazte, nagusi eta ohorezko mailan.
Euskadiko Euskal Pilota Federazioak jakinarazi duenez, Euskal Herriko Kluben arteko txapelketaren ligako faseak zazpi jardunaldi izango ditu, asteburu honetan hasita otsailaren 23ra arte. Ondoren, finalerdietako fasea jokatuko dute martxoaren 2ko asteburuan, eta finala martxoaren 8ko asteburuan izango da.
Gazte mailan bi bikote izango ditu Markina-Xemeingo Zesta-Punta Eskolak, nagusietan beste hiru eta ohorezko mailan bat. Gernika Jai Alaik kadete mailan, gazte mailan eta nagusietan edukiko ditu bikoteak, Berriatuko Eskolako pilotariek kadete, nagusi eta ohorezko mailan parte hartuko dute, Lekeitioko Akarregi Pilota Taldeko bikote batek jokatuko du nagusien mailan eta Mutrikuko Danon Bat taldeko pilotariak gazte, nagusi eta ohorezko mailetan ariko dira.
Asteburu honetan txapelketako lehen partidak jokatuko dira Berriatuan, Markina-Xemeinen, Gernikan eta Mutrikun. Ondorengoak izango dira:
BARIKUA
- 19:00, Markina-Xemeingo Uni frontoian:
-Markina A-Hondarribiako PE (Gazteak)
-Markina B-Berriozar PT (Gazteak) - 20:30, Berriatuako Mendibarren frontoian:
-Berriatua-Markina (Ohorezko maila)
ZAPATUA
- 17:00, Gernika Jai Alai frontoian:
-Euskal Jai Alai A-Berriatua B (Kadeteak)
-Euskal Jai Alai B-Zumaia C (Kadeteak)
-Euskal Jai Alai-Markina C (Nagusiak)
DOMEKA
- 11:00, Mutrikuko Miruaitz frontoian:
-Danok Bat-Berriatua A (Kadeteak)
-Danok Bat-Euskal Jai Alai (Gazteak)
Eskola artekoak. Bizkaiko Eskolarteko Txapelketak ere domekan [urtarrilak 12] emango ditu lehen pilotakadak. Markina-Xemeingo Zesta-Punta Eskolako pilotariak, Berriatuko Zesta Eskolakoak eta Gernikakoak parte hartuko dute eskolarteko norgehiagokan umetxo, ume eta gaztetxoen mailetan. Asteburu honetan hasi eta maiatzaren 10era arte jokatuko dute ligaxka Bizkaiko Eskolarteko txapelketako puntistek.
Domekan partiduak egongo dira Berriatuan (10:00etan), Gernikan (11:00etan) eta Markina-Xemeinen (11:00etan).
UMETXOAK
- 10:00etan Berriatuan,
-Berriatua C-Berriatua A
-Berriatua B-Markina-Xemein A - 11:00etan, Gernikan, Gernika-Berriatua D
UMEAK
- 10:00etan Berriatuan,
-Berriatua C-Berriatua A
-Berriatua B-Markina-Xemein C - 11:00etan, Gernikan, Gernika B-Markina-Xemein A
- 11:00etan Markina-Xemeinen, Markina-Xemein B-Gernika A
GAZTETXOAK
- 10:00etan Berriatuan,
-Berriatua C-Berriatua A
-Berriatua E-Markina-Xemein D
-Berriatua B-Markina-Xemein F - 11:00etan, Gernikan, Gernika A-Markina-Xemein B
- 11:00etan Markina-Xemeinen,
-Markina-Xemein A-Gernika B
-Markina-Xemein C-Berriatua F
-Markina-Xemein E-Berriatua D
