Luzera Jaurtiketen Euskadiko Txapelketan dominak lortu dituzte Lea-Artibaiko atletek
18 urtez azpikoen disko jaurtiketan, Sarai Larrinaga etxebarritarrak lortu du Euskadiko txapeldun izatea eta bere taldekide Sara Asenjo aulestiarra geratu da txapeldunorde. Maila bereko xabalina jaurtiketan, Igor Jaio aulestiarra da Euskadiko txapelduna.
Argazkia: Durango Kirol Taldea. Luzera Jaurtiketen Euskadiko Txapelketa Gasteizen lehiatu dute asteburuan, eta Lea-Artibaiko hainbat atletek lehiatu dute. Batzuk, gainera, xabalina eta disko jaurtiketetan lortutako dominekin bueltatu dira.
18 urtez azpikoen disko jaurtiketan, Durango Kirol Taldeko Sarai Larrinaga etxebarritarrak lortu du Euskadiko txapeldun izatea eta bere taldekide Sara Asenjo aulestiarra geratu da txapeldunorde. Maila bereko xabalina jaurtiketan, berriz, Durango Kirol Taldeko Igor Jaio aulestiarra da Euskadiko txapelduna.
Lekeitioko Tximista Atletismoren ordezkariak ere ez dira esku utzik bueltatu.
20 urtez azpikoen kategoriako disko eta xabalina jaurtiketetan brontzezko dominak lortu zuen Tximistako Garazi Lertxundi bermetoarrak eta Terese Madariaga lekeitiarra laugarren sailkatu zen disko jaurtiketaren proban. 18 urtez azpikoen xabalina jaurtiketan, berriz, postu berean sailkatu zen haren taldekide Nora Agirre lekeitiarra.
16 urtez azpikoen kategoriako Leire Alonso Tximistako atleta lekeitiarrak zilarra jantzi zuen xabalinako proban.
