Zirku tailerra emango dute Mendexan
Zapatuan egingo dute, 10:30etik 13:30era, Ludotekan eta aurretiaz izena eman behar da.
Mendexako udalak herriko ume eta gaztetxoei zuzendutako hainbat tailer eskaintzen ditu urtean, eta oraingo honetan zirku tailerra emango dute. Zapatu honetan [otsailak 29] egingo dute saioa 10:30etik 13:30era, Ludotekan.
Parte hartu gura dutenek derrigorrez aurretiaz izena eman behar dute. Horretarako, udaletxera jo behar dute ( 94-684 21 06 / 673 098 597).
Udaletik zehaztu dutenez, ume batzuk Ludotekako ikasturte osoko tailerretan izena emanda daukate, baina beste batzuek interesa daukatenetan ematen dute, data hurreratu ahala. Tailerrak hileko azken zapatuetan egiten dituzte, 10:30etik 13:30era.
Hurrengoak. Bestalde, hurrengo hilabeteetako tailerrak zeintzuk diren ere jakinarazi dute. Martxoan pintura tailerra emango dute, apirilean arrozezko pastela egiten ikasiko dute sukaldaritza tailerrean eta maiatzean zuku eta fruta tailerra izango dute aukeran.
