Asteburuan zortzi positibo kasu gehiago erregistratu dituzte Lea-Artibain eta Mutrikun
Ispasterren eta Amoroton lehenengo positibo kasuak antzeman dituzte. Horrela, beraz, gaur gaurkoz Lea-Artibain eta Mutrikun erregistratutako positibo kasuak 70 dira. Bizkai, Gipuzkoa eta Araban, sendatu edo alta jaso dutenak 9.840 direla esan dute; baieztatutako kasu guztien %68.
Barikutik domekara bitartean COVID-19arekin kutsatutako zortzi kasu berri erregistratu dituzte Lea-Artibain eta Mutrikun. Ispasterren eta Amoroton lehenengo positibo kasuak antzeman dituzte. Horrela, beraz, gaur gaurkoz Lea-Artibain eta Mutrikun erregistratutako positibo kasuak 70 dira. Hemen herriz herriko zerrenda:
- Ondarroa: 18 positibo (barikuko datu berdina)
- Markina-Xemein: 16 positibo (2 kasu gehiago)
- Lekeitio: 14 positibo (2 kasu gehiago)
- Mutriku: 11 positibo (kasu 1 gehiago)
- Aulesti: 2 positibo (kasu 1 gehiago)
- Berriatua: 2 positibo (barikuko datu berdina)
- Etxebarria: 2 positibo (barikuko datu berdina)
- Amoroto: 1 positibo (lehenengo positiboa)
- Ispaster: 1 positibo (lehenengo positiboa)
- Gizaburuaga: 1 positibo (barikuko datu berdina)
- Mendexa: 1 positibo (barikuko datu berdina)
- Ziortza-Bolibar: 1 positibo (barikuko datu berdina)
Bizkai, Gipuzkoa eta Araban 14.412 kasu positibo zenbatu dituzte guztira (632 kasu gehiago asteburuan). Horietatik 716 ospitaleratuta daude (85 gutxiago asteburuan). Azterketa lurraldeka eginez gero, ondokoak dira datuak:
- Araba: 3.624 positibo (171 gehiago asteburuan) / 140 ospitaleratuta (-3) /338 hildakoak (+7).
- Bizkaia: 8.189 positibo (361 gehiago asteburuan) / 415 ospitaleratuta (-60)/ 658 hildakoak (+31)
- Gipuzkoa: 2.599 positibo (100 gehiago asteburuan) / 161 ospitaleratuta (-22)/ 245 hildakoak (+10).
Hiru lurraldeetan, otsailaren 28tik apirilaren 15era bitartean klinikoki 4.147 lagun diagnostikatu zituzten COVID-19arekin. Sendatutako edo alta jaso dutenak, berriz, 9.840 dira; baieztatutako kasu guztien %68. Probei dagokienez, Bizkai, Gipuzkoa eta Araban guztira, 83.288 PCR azterketa eta 31.626 test azkar egin dituzte. “Domekan, 3.038 test egin ziren”.
