Azken 24 orduetan ez dute positibo kasu berririk antzeman Lea-Artibain eta Mutrikun
Gaur gaurkoz, Lea-Artibain eta Mutrikun Ondarroa da COVID-19arekin kutsatutako positibo kasu gehien erregistratu diren herria; Lekeitio eta Markina-Xemein daude bigarren eta hirugarren postuetan. Bizkai, Gipuzkoa eta Araban atzo 12 pertsona hil ziren.
Azken 24 orduetan ez da COVID-19arekin kutsatutako positibo kasu berririk erregistratu Lekeition Lea-Artibain eta Mutrikun. Gaur gaurkoz, Lea-Artibain eta Mutrikun erregistratutako positibo kasuak 82 dira. Hemen herriz herriko zerrenda:
- Ondarroa: 20 positibo (atzoko datu berdina)
- Lekeitio: 18 positibo (atzoko datu berdina)
- Markina-Xemein: 17 positibo (atzoko datu berdina)
- Mutriku: 12 positibo (atzoko datu berdina)
- Etxebarria: 4 positibo (atzoko datu berdina)
- Berriatua: 3 positibo (atzoko datu berdina)
- Mendexa: 2 positibo (atzoko datu berdina)
- Aulesti: 2 positibo (atzoko datu berdina)
- Amoroto: 1 positibo (atzoko datu berdina)
- Ispaster: 1 positibo (atzoko datu berdina)
- Gizaburuaga: 1 positibo (atzoko datu berdina)
- Ziortza-Bolibar: 1 positibo (atzoko datu berdina)
Bizkai, Gipuzkoa eta Araban 16.426 kasu positibo zenbatu dituzte guztira (atzo baino 180 gehiago). Horietatik 619 ospitaleratuta daude (atzo baino 2 gehiago); horietatik 85 ZIUn (atzo baino 2 gutxiago) eta 534 solairuko geletan daude (atzo baino 4 gehiago). Azterketa lurraldeka eginez gero, ondokoak dira datuak:
- Araba: 4.288 positibo (atzo baino 71 gehiago)/ ospitaleratutakoak 144 dira (+6)/hildakoak 346 (+1)
- Bizkaia: 9.351 positibo (atzo baino 100 gehiago)/ ospitaleratutakoak 355 dira (-3)/hildakoak 739 (+10)
- Gipuzkoa: 2.787 positibo (atzo baino 9 gehiago)/ ospitaleratutakoak 120 dira (-1)/hildakoak 268 (+1)
Pandemia hasi zenetik, guztira 1.321 pertsona hil dira Bizkai, Gipuzkoa eta Araban (atzo 12 pertsona hil ziren). Bestalde, sendatu direnak edo alta jaso dutenak baieztatutako kasu guztien (16.426) %74,6 dira.
