Bi positibo kasu gehiago erregistratu dituzte Lea-Artibain eta Mutrikun
Lekeition eta Markina-Xemeinen erregistratu dituzte kasu berriak (bana herri bakoitzean). Gaur gaurkoz, Lea-Artibain eta Mutrikun 84 positibo kasu daude erregistratuta. Bizkai, Gipuzkoa eta Araban atzo 253 positibo gehiago erregistratu ziren. Ospitaleratutakoen kopurua jaitsi egin da, baita ZIUn daudenen kopurua ere.
Azken 24 orduetan Lekeition eta Markina-Xemeinen erregistratu dituzte COVID-19arekin kutsatutako positibo kasu berriak; bi herri horietan kasu berri bana antzeman dituzte. Hala, gaur gaurkoz, Lea-Artibain eta Mutrikun erregistratutako positibo kasuak 84 dira. Hemen herriz herriko zerrenda:
- Ondarroa: 20 positibo (atzoko datu berdina)
- Lekeitio: 19 positibo (1 gehiago azken 24 orduetan)
- Markina-Xemein: 18 positibo (1 gehiago azken 24 orduetan)
- Mutriku: 12 positibo (atzoko datu berdina)
- Etxebarria: 4 positibo (atzoko datu berdina)
- Berriatua: 3 positibo (atzoko datu berdina)
- Mendexa: 2 positibo (atzoko datu berdina)
- Aulesti: 2 positibo (atzoko datu berdina)
- Amoroto: 1 positibo (atzoko datu berdina)
- Ispaster: 1 positibo (atzoko datu berdina)
- Gizaburuaga: 1 positibo (atzoko datu berdina)
- Ziortza-Bolibar: 1 positibo (atzoko datu berdina)
Bizkai, Gipuzkoa eta Araban 16.679 kasu positibo zenbatu dituzte guztira (atzo baino 253 gehiago). Horietatik 584 ospitaleratuta daude (atzo baino 35 gutxiago); horietatik 80 ZIUn (atzo baino 5 gutxiago) eta 504 solairuko geletan daude (atzo baino 30 gutxiago). Azterketa lurraldeka eginez gero, ondokoak dira datuak:
- Araba: 4.397 positibo (atzo baino 109 gehiago)/ ospitaleratutakoak 144 dira (atzoko datu berdina)/hildakoak 348 (+2)
- Bizkaia: 9.461 positibo (atzo baino 110 gehiago)/ ospitaleratutakoak 327 dira (-28)/hildakoak 746 (+7)
- Gipuzkoa: 2.821 positibo (atzo baino 34 gehiago)/ ospitaleratutakoak 113 dira (-7)/hildakoak 270 (+2)
Pandemia hasi zenetik, guztira 1.364 pertsona hil dira Bizkai, Gipuzkoa eta Araban (atzo 11 pertsona hil ziren). Bestalde, sendatu direnak edo alta jaso dutenak baieztatutako kasu guztien (16.679) %76,4 dira.
