Oletako jaiak ez ospatzea erabaki du jai batzordeak
Beharrezkoak diren osasun neurriak bermatzea ezinezkoa denez, "erabakia pena handiz" hartu dutela adierazi dute jai batzordearen kideek.
Argazkia: Oletako jai batzordea Aurten ez dituzte Pazko Jaiak ospatuko Oletan. Halaxe jakinarazi du jai batzordeak. COVID-19ak eragindako egoeraren aurrean, jaiak ospatzea ezinezkoa dela diote, ezinezkoa zaielako beharrezko osasun neurriak bermatzea.
“Pena handiz bada ere, egoera zein den ikusita, aurten Oletako jaiak ez osptzeko erabakia hartu dugu, ezinezkoa zaigulako beharrezkoak diren osasun neurriak bermatzea”, azaldu dute Jai Batzordearen kideek.
Osasun krisiaren bilakaerari so egon dira, azken unera arte erabakia hartzeko zain: “Baina ikusita ekainean deseskalatze fasean egongo garela, eta kontzertuak eta bestelako ekitaldiak aurrera eroan ezingo ditugula, jaiak ez egiteko erabakia hartu dugu. Jenderik ezin badugu batu, ezin ditugu jaiak aurrera eroan”.
Antolaketari dagokionez, “dena lotuta” eduki dute: “Aspalditik taldeekin eta berba eginda geneukan. Normalean urtarrilean hasten gara jaiak prestatzen”.
