Zapato Azule ez antolatzea erabaki du Radixu Irratiak

COVID-19aren pandemiak sortutako egoeraren aurrean, «erabakirik onena» jaia ez ospatzea dela esan dute.

2020/05/18

Radixu Irratiak aurten Zapato Azule ez antolatzea erabakia du. Eta erabaki horren berri eman zuten atzo gauean sare sozialen bidez zabaldutako kartelagaz.

COVID-19aren pandemiak sortutako egoeraren aurrean, “erabakirik onena” jaia ez ospatzea dela esan dute. “Zapato Azule jaiaren muina kalean guztiok elkartzea eta ondo pasatzea da, eta gaur egun bizi dugun egoera larriak ez du laguntzen jaia dagokion bezala ospatzen. Erabakia penaz hartu dugu, baina arduraz jokatu behar dugula uste dugu”.

Hartutako erabakia azaltzeko, Radixu Irratiko kideek kartela egin dute, eta ondoko esaldia irakurri daiteke hasieran: “Efektibamente, ondo zabize… AURTEN EZTA IXE!“.