Dantza ikastaroa emango dute Etxebarrian udaburuko ospakizunerako prestatzeko
Parte hartzeko asmoa jakinarazi behar da WhatsApp mezu baten bidez. Gaur eta ekainaren 17an dira eskolak.
Aurten ere udaburuko ospakizunean suaren inguruan dantzan egiteko asmoa daukate Etxebarrian. Hori dela eta, dantza ikastaroa antolatu du ETX kultur elkarteak. Gaur [ekainak 10] eta ekainaren 17an emango dute dantza ikastaroa Plazabarrin 18:00etan, eta bertan beti-betiko dantzak landuko dituztela jakitera eman dute.
COVID-19ak eragindako osasun egoera dela eta, segurtasun neurriak jarraituko dituztela jakinarazi dute. “Maskara ekartzea beharrezkoa izango da”, azaldu dute. Gainera, dantzarien arteko distantziak eta bermatu ahal izateko, dantzari kopurua jakitea komeni zaiela argitu dute, eta beraz, parte hartu nahi dutenek izena eman behar dute WhatsApp bidez ondorengo telefono zenbaki batean: 680 30 18 48 edo 686 45 40 91.
