Lekeitioko Udalak kultur eta kirol eskaintza anitza prestatu du udarako
Irailera bitartean antzerkiak, ikuskizunak, azokak, kontzertuak, umeentzako ekintzak edota arkeologiaz lotutakoak egongo dira besteak beste.
Ikusgarrin egon zen Mikel Urdangarinen kontzertua. Argazkia: Lekeitioko Udala Kultur ekintzak, kirol jarduerak eta beste alor batzuetako ekimenak antolatuko ditu udan Lekeitioko Udalak. Ekainaren amaieran eman zioten hasiera uda kulturalari San Pedroak formatu berezian antolatuz, eta irailera bitartean gustu eta adin ezberdinetako jendeari bideratutako hainbat ekintza egongo direla aurreratu dute. Ekintza horietarako 100.000 euro bideratuko ditu udalak. Antzerkiak, ikuskizunak, azokak, kontzertuak, umeentzako ekintzak edota arkeologiaz lotutakoak egongo dira besteak beste.
Aurreratu dutenez, Irailean ospatzen dituzten San Antolin jaiak betiko formatuan egin ezingo badira ere, segurtasun neurriak bermatzen dituzten formatu txikiko ekintzak egitea aurreikusten da, besteak beste, kontzertua, bertso saioa eta ikuskizunak. “Ekintza horietan lanean gabiltza eta aurrerago emango dira ezagutzera”, argitu dute.
Udalak antolatutako ekimenez gain, Lekeitioko elkarteen proposamenak ere jaso direla jakitera eman du udalak. “Horiek ere ekintzak aurrera eramateko aukera izango dute, beti ere segurtasun protokoloa betetzea posible bada”.
Bestalde, urtero modura, arte erakusketa antolatu du Lekeitioko Udalak, eta sei artisten lanak ikusgai egongo dira Eskolape aretoan. Aste honetan abiarazi dute Udako Arte Erakusketaren egitaraua Alberto Egiluz artistaren lanekin. Datorren astean, berriz, Lara Kaminskyren Numen izeneko argazki erakusketa egongo da ikusgai, eta ondoren etorriko dira Ibai Silicatoren ilustrazioen erakusketa (abuztuaren 3tik 9ra), M.A. Hernandezen argazki erakusketa (abuztuaren 10etik 16ra) eta Miquel Cazañaren (abuztuaren 17tik 23ra) eta Juan Isasiren (abuztuaren 24tik 30era) akuarela lanei buruzko erakusketak.
EGITARAUA
Uztaila:
- 24: Nabil taldearen kontzertua 20:00etan Abaroa jauregiko lorategian. Kontzertua doanekoa da, baina sarrerak jaso behar dira aldez aurretik: gaur, kultur etxean 10:00etatik 13:00etara, eta bihar Abaroan, 19:00etatik aurrera.
- 26: -Eusko Label eta Euskotren Ligetako estropadak.
-Lekitto Musika Bandaren Bailableak. - 30: Hortzmuga antzerki taldearen Jule.
- 31: -Euskadiko Traineru txapelketa.
-Lekitto Musika Bandaren Bailableak.
Abuztua:
- 2: Lekitto Musika Bandaren Bailableak.
- 7: Bilbao Orkestra Sinfonikoa, Andra Mariaren Zeruratzearen Basilikan.
- 8: Nekazaritza azoka.
- 9: -Spinning maratoia, Tingladuan, 10:00etatik 13:00etara.
-Kittoren azoka.
-Lekitto Musika Bandaren Bailableak. - 14: Film emanaldia Abaroa parkeko lorategian.
- 15: Lekeitioko III. Xake Txapelketa.
- 18-19-20: Atabaka elkartearen indusketa lanak Garraitz irlan.
- 20: Imanol Ituiñoren magia ikuskizuna.
- 21-22: Lekitto Musika Bandaren Gau Magikoa.
- 30: Lekitto Musika Bandaren Bailableak.
