Sutea gertatu da Ondarroako Kamiñazpi auzoaren atzeko mendi magalean
Ertzaintzak jakinarazi duenez, 21:05ean jaso dute sutearen abisua. Ondarroako Udalak 22:27an jakinarazi du suhiltzaileek sua itzali dutela baina eremua zaintzen geratuko direla.
Sutea Ondarroako Kamiñazpi auzoaren atzeko aldeko mendi magalean piztu da. Ertzaintzak jakinarazi duenez, 21:05ean jaso dute sutearen abisua. Suhiltzaileak 21:25ak aldera ailegatu dira Kamiñazpi auzora, baina handik ezin zutenez sutea dagoen lekura ailegatu, Kamiña aldetik igo dira. “Oraindik ez dakigu nahita piztu duten edo zer gertatu den. Ikerketa abiaraziko dugu”.
Ondarroako Udalak ondokoa adierazi du sare sozialen bidez: “Ez dirudi handitzen doanik. Bertan daude suhiltzaileak eta gainerako larrialdi zerbitzuak”.
Auzotarrek ondokoa adierazi dute: “Erre usaina auzo osoan zabaldu da. Gaueko isiltasunean, momentu batean larrak nola erretzen ziren ere entzun egiten zen. Dena dela, gutxinaga sua itzaltzen ari dela igartzen dugu”.
Auzotarren berbetan, 22:14rako surik ez zen ikusten. Ondarroako Udalak 22:27an jakinarazi du suhiltzaileek sua itzali dutela baina eremua zaintzen geratuko direla.
Suhiltzaileak Kamiñazpi auzoan, sutea dagoen mendi magalaren azpiko aldean.
