Azken orduetan intzidentzia mailak gora egin du Ondarroan
Atzo [azaroak 30] egindako probetan 7 positibo berri erregistratu zituzten Lea-Artibain; Mutrikun ez zuten kasu berririk erregistratu. Ondarroan 5 kasu berri atzeman dituzte, eta bana Ispasterren eta Markina-Xemeinen. Ondarroak gune gorrian egoten jarraitzen du.
Azken 24 orduetan 100.000 biztanleko intzidentzia maila metatuak ia hamar puntu egin ditu gora Ondarroan. Hala, atzo [azaroak 30] 605,36ko tasa erregistratu zuen Ondarroak. Datu horrekin, eskualde mailan gune gorrian dagoen herri bakarra da. Lekeition eta Mutrikun, aldiz, intzidentziak behera egin du, eta 317,42an eta 356,21en kokatu da, hurrenez hurren. Azken bi herri horiek gune laranjan egoten jarraitzen dute.
Atzo [azaroak 30], 7 positibo berri erregistratu zituzten Lea-Artibain; Mutrikun ez zuten kasu berririk atzeman. 5 positibo Ondarroan erregistratu zituzten, eta bana Markina-Xemeinen eta Ispasterren.
Lurraldeka. Araban, Bizkaian eta Gipuzkoan atzo %5,6 izan ziren positiboak; kasu berri gehien Bizkaian erregistratu zituzten (222). Domekatik atzora, gainera, ospitaleratutakoak ere gutxitu egin dira, eta modu apalagoan bada ere, baita ere ZIUn zeudenak.
