Artibai Mendigoizale Taldearen Mendi Lehiaketako zerrendak entregatzeko epea zabalik dago
Abenduak 12ra arte eraman daitezke zerrendak Loirats mertzeriara.
Dena dela, horien inguruko xehetasunak emango ditu Iñigo Urkullu lehendakariak abenduaren 10ean. Mendi zaletasuna sustatu asmoz Markina-Xemeingo Artibai Mendigoizale taldeak antolatzen duen Mendi Lehiaketako zerrendak Loirats mertzeriara eraman behar dira. Abenduak 12ra arteko epea edukiko dute parte hartzaileek zerrendak entregatzeko.
Urtero modura, 5 mendi, 10 mendi, 20 mendi eta 20.000 metro egin dituzten mendizaleak sarituko dituzte, eta ohi modura Akarregin emango dituzte sariak.
Saritua izateko urte honetan mendi desberdinak igo behar izan dira, eta mendia puntuatzeko derrigorrez gailurrera igo behar da. “Egun bakoitzean, gehienez, mendi bat ipini behar da, eta 20.000 metro egiteko igotako mendi guztien altueren batuketa egin behar da”, azaldu dute.
Inguruetako mendi martxek ere onartzen dituzte mendi legez, eta altuera martxako punturik altuena izaten da.
