Bidelagun izateko deia egin du AEK-k, "mintzataldeak aktibatu eta euskalduntzen ari direnei laguntzeko"

Parte hartzeko AEKgaz harremanetan jarri behar da. "Mintzataldeetan ez dago eskolarik, ezta zuzenketarik ere; euskaraz natural egiten duen edonor izan daiteke bidelaguna".

Asier Alkorta

Lea-Artibai eta Mutriku

2021/01/20

Ondarroa, Markina-Xemein eta Lekeitioko AEK-k bidelagunak behar direla esateko deialdia egin dute. Bidelagunak, hain zuzen, mintzataldeak aktibatu eta euskalduntzen ari direnei laguntzea dute helburu. “Euskaraz egin nahi dutenei laguntzeko prest zaude? Izan bidelagun!”. Horretarako prest daudenek hiru herrietako AEKren bulego batera deitu baino ez dute egin behar; praktikatu@aek.eus helbidera mezu bat bidalita ere izena eman daiteke.

Ondarroako AEK: 94-613 40 21.
Markina-Xemeingo AEK: 94-616 75 97.
Lekeitioko AEK: 94-684 28 69.

Euskaraz egin nahi dutenei laguntzeko ez dela euskara irakaslerik behar diote. “Mintzataldeetan ez dago eskolarik, ezta zuzenketarik ere; euskaraz natural egiten duen edonor izan daiteke bidelaguna”. Gaineratu dute bidelagun izateak abantailak ere badakartzala: deskontuak, opariak, zozketetan parte hartzea…

Bestalde, Berbalagunen parte hartzeko aukera ere zabalik dagoela gogorarazi dute. “Gure mintzapraktika taldeetan segurtasun neurri guztiak betetzen ditugu, espazio seguruetan, talde txikietan… Internet bidez parte hartzeko aukera ere badago”. Gaineratu dute mintzapraktika taldeetan, eta, oro har, AEKk antolatzen dituen ekintza guztietan, segurtasun neurriak bermatuta daudela. “COVID-19a saihesteko protokoloa aplikatzen dugu”.