Lekeitio gune gorritik atera da, intzidentzia tasa 300 puntu baino gehiago jaitsi ondoren
Markina-Xemeinek eta Etxebarriak gune gorrian egoten jarraitzen dute, nahiz eta intzidentzia tasa nabarmen jaitsi duten; Markina-Xemeinek 537,31koa dauka. Beraz, joera mantenduz gero, litekeena da eguenean gune gorrien zerrendatik kanpo geratzea. Azken hiru egunetan 17 kasu erregistratu dituzte Lea-Artibai eta Mutrikun.
Orokorrean intzidentzia tasak behera egiten jarraitzen du Lea-Artibai eta Mutrikun ere. Lekeitioko tasa, esaterako, 300 puntu baino gehiago jaitsi da azken hiru egunetan eta 400 inguruan kokatu da. Ondorioz, Lekeitio gune gorritik kanpo geratu da; ia hilabete egin ditu gune gorrian (urtarrilaren 14an sartu zen). Markina-Xemeinek eta Etxebarriak gune gorrian egoten jarraitzen dute. Aipagarria da Markina-Xemeingo intzidentzia tasak ere azken hiru egunetan eduki duen beheradaka; 300 puntu baino gehiago jaitsi da, eta ia-ia gune gorritik kanpo geratu da.
Azken egunetako joera mantenduz gero, litekeena da egunean [otsailak 11] Markina-Xemein eta Etxebarria gune gorritik kanpo geratzea. Hori gertatuko balitz, Lea-Artibai eta Mutriku mailan ez legoke herri bakar bat ere eremu gorrian. Azken orduetan bakarrik Amorotoko intzidentzia tasa igo da, domekan [otsailak 7] bi kasu erregistratu zituztelako.
Gaur gaurkoz, ondokoa da herriz herriko intzidentzia tasa:
- Amoroto: 722,89
- Aulesti: 149,70
- Berriatua: 477,33
- Etxebarria: 671,14
- Gizaburuaga: 0
- Ispaster: 134,41
- Lekeitio: 401,27
- Markina-Xemein: 537,31
- Mendexa: 847,46
- Munitibar: 218,34
- Mutriku: 207,00
- Ondarroa: 326,84
- Ziortza-Bolibar: 683,37
Kasu berriak. Bestalde, azken hiru egunetan COVID-19arekin kutsatutako 17 kasu gehiago erregistratu dituzte Lea-Artibai eta Mutrikun: 8 Lekeition, 4 Ondarroan, 2 Amoroton eta bana Markina-Xemeinen, Mutrikun eta Munitibarren. Eta azken hiru egunetako datuak emanda, joan den aste osoan 45 kasu erregistratu zituztela jakin ahal izan da. Kasu berrien beherakadak islatzen du intzidentzia tasaren beherakada: duela bi aste (urtarrilaren 25etik 31ra) 74 kasu erregistratu zituzten Lea-Artibai eta Mutrikun, joan den astean baino 29 gehiago.
Bizkaiko Foru Aldundiak esandakoaren arabera, Lea-Artibaiko egoitzei dagokienez bakarrik Markina-Xemeingo San Roke egoitzan daude kasu positiboak; 3 kasu daudela esan dute.
Joan den astean herriz herri erregistratutako kasuak:
- Lekeitio: 14
- Ondarroa: 14
- Mutriku: 4
- Etxebarria: 4
- Amoroto: 3
- Berriatua: 2
- Markina-Xemein: 2
- Mendexa: 1
- Munitibar: 1
- Aulesti: 0
- Gizaburuaga: 0
- Ispaster: 0
- Ziortza-Bolibar: 0
