Hasi dira parke bio-osasungarriei buruzko saioak
Ispaster, Munitibar eta Ondarroa ari dira parte hartzen Bizkaiko Foru Aldundiak bultzatutako ekimenean.
Gaur goizean Ondarroan egin duten saioa Herri bakoitzean, denetara, zortzi saio egingo dituzte; prestatzaile espezializatuen gidaritzapean egiten dituzte, eta doakoak dira. Taldeak osatuta egon arren, interesa duten herritarrek udaletxeetan izena eman dezakete. Saioak ordubete ingurukoak dira, eta osasun protokoloak kontuan hartuta lan egiten dute.
Ekimena gaur [maiatzak 5] abiatu du Ondarroan; bederatzi emakumek parte hartu dute lehenengo saioan. Euria ari zuenez, saioa ezin izan zuten herrian dauden bi parke bio-osasungarrietako batean egin. Horren ordez, kiroldegi barruko gela batean batu dira, aterpean. Ispasterren, berriz, bihar [maiatzak 6] 11:30ean egingo dute lehenengo saioa. Munibarren zer edo zer beranduago hasiko dira; maiatzaren 20an egingo dute lehenengo saioa.
Ekimen horren bidez, aldundiak parke bio-osasungarrien erabilera bultzatu gura du. Hala, teknikariek ariketak egiteko makinak zelan erabili behar diren azalduko diete herritarrei. Helburuak honakoak dira: Parke bio-osasungarrietan kirol-praktika segurua sustatzea, pertsonengan autonomia sortzea kirol-praktika osasungarrria egin ahal izateko, eta batez ere, arlo kardiobaskularra, indarra eta mugikortasuna lantzeko ariketetan oinarritutako kirol-ohitura sortzea. Ariketak erregulartasunez egitea onuragarria da sistema immunologikoa indartzeko, gaixotasunen prebentziorako eta sintomak arintzeko.
SAIOEN DATAK HERRIZ HERRI
- Ispaster. Saio guztiak 11:30ean egingo dituzte.
- Maiatzak 6 eta 13.
- Ekainak 3 eta 10.
- Irailak 9 eta 16.
- Urriak 7 eta 14.
- Munitibar. Saio guztiak 12:00etan egingo dituzte.
- Maiatzak 20 eta 27.
- Ekainak 17 eta 24.
- Irailak 23 eta 30.
- Urriak 21 eta 28.
- Ondarroa. Saio guztiak 12:00etan egingo dituzte.
- Maiatzak 5 eta 12.
- Ekainak 2 eta 9.
- Irailak 8 eta 15.
- Urriak 6 eta 13.
