Azken orduetan kasu bakarra erregistratu dute Lea-Artibain
Kasu bakar hori Markina-Xemeinen erregistratu dute. Bestalde, intzidentzia tasa jaitsi eta gero, Mutriku gune berdean sartu da. Herri bakar baten ere ez da igo intzidentzia tasa. Lurraldeei dagokienez, Gipuzkoa ere eremu gorritik atera da; hiru lurraldeetako tasek behera egiten jarraitzen dute.
Azken orduetan Markina-Xemeinen erregistratu dute COVID-19arekin kutsatutako kasu bat. Gainerako herrietan ez dute kasurik erregistratu. Beraz, Lea-Artibai eta Mutrikuko intzidentzia tasa nabarmen ari da jaisten; herrietako intzidentzia tasak mantendu edo jaitsi egin dira.
Mutriku, esaterako, gune berdean sartu da; atzo [maiatzak 13] 75,27ko tasa zeukan, eta gaur [maiatzak 14] 37, 64koa dauka. Intzidentzia tasa 60 azpikoa delako sartu da gune berdean.
Bestalde, Ondarroa gune laranjan egotetik gune horian egotera pasatu zen atzo [maiatzak 13]; herenegun [maiatzak 12] 303,49ko tasa zeukan, eta atzo [maiatzak 13] 198,44koa.
Lurraldeak. Gaur gaurkoz, hiru lurraldeak gune gorritik kanpo daude. Gipuzkoa gaur [maiatzak 14] atera da gune gorritik; atzo [maiatzak 13] 415,29ko tasa zeukan, eta gaur 33 puntu jaitsi da. Arabak 197,45eko tasa dauka (-15 puntu), Bizkaiak 361,69koa (-11 puntu) eta Gipuzkoak 382,26koa (-33 puntu).
Herriz herriko intzidentzia tasa (eguneratuta):
- Amoroto: 0
- Aulesti: 0
- Berriatua: 0
- Etxebarria: 1.073,83 (135 puntu jaitsi da)
- Gizaburuaga: 0
- Ispaster: 0
- Lekeitio: 193,72 (28 puntu jaitsi da)
- Markina-Xemein: 179,10
- Mendexa: 1.483,05
- Munitibar: 0
- Mutriku: 37,64 (138 puntu jaitsi da)
- Ondarroa: 151,75 (47 puntu jaitsi da)
- Ziortza-Bolibar: 0
Lea-Artibai eta Mutrikuko egoera epidemiologikoaren bilakaera, azarotik:
