Beste kasu bat erregistratu dute Lea-Artibain
Atzo [ekainak 21] Markina-Xemeinen erregistratu zuten beste positibo bat. Gainerako herrietan ez dute kasurik erregistratu. Dena dela, Markina-Xemeingo intzidentzia tasa jaitsi egin da, eta gainerako herrietakoak mantendu. Lurraldeetan, Arabako intzidentzia tasa igo egin da.
Azken orduetan Markina-Xemeinen erregistratu dute COVID-19arekin kutsatutako kasu bat; gainerako herrietan ez dute kasurik erregistratu. Dena dela, Markina-Xemeingo intzidentzia tasa ez da igo. Guztiz kontrakoa, 20 puntu jaitsi da. Gainerako herrietako intzidentzia tasak mantendu egin dira. Gaur gaurkoz, HITZAren eremuan 5.000 biztanletiko gorako herrien artean Lekeitio da egoera onenean dagoena.
Gaur gaurkoz 0 tasa daukaten herriak zortzi dira (Ispaster sartu da zerrendan): Amoroto, Aulesti, Berriatua, Gizaburuaga, Ispaster, Mendexa, Munitibar eta Ziortza-Bolibar.
Joan den aste osoan [ekainaren 14tik 20ra] 5 kasu zenbatu zituzten Lea-Artibai eta Mutrikun: 2 Mutrikun, 2 Markina-Xemeinen eta 1 Ondarroan. Datu hori inoizkorik daturik onena da; pandemia hasi zenetik ez dute hain kasu gutxi erregistratu astebetean.
Lurraldeak. Arabak 111,14ko tasa dauka (2 puntu igo da), Bizkaiak 126,89koa (2 puntu jaitsi da) eta Gipuzkoak 81,20koa (5 puntu jaitsi da).
Herriz herriko intzidentzia tasa (eguneratuta):
- Amoroto: 0
- Aulesti: 0
- Berriatua: 0
- Etxebarria: 134,23
- Gizaburuaga: 0
- Ispaster: 0
- Lekeitio: 13,84
- Markina-Xemein: 79,60 (20 puntu jaitsi da)
- Mendexa: 0
- Munitibar: 0
- Mutriku: 75,27
- Ondarroa: 81,71
- Ziortza-Bolibar: 0
Lea-Artibai eta Mutrikuko egoera epidemiologikoaren bilakaera, azarotik:
